ລາຍການສະແດງສິລະປະພິເສດ ເພື່ອຍ້ອງຍໍສັນລະເສີນທ່ານປະທານໂຮ່ຈິມິນ
|
(vovworld)- ຕອນຄ່ຳວັນທີ 30/8, ຢູ່ຮ່າໂນ້ຍ, ຄະນະໂຄສະນາສຶກສາ ສູນກາງພັກ, ກະຊວງວັດທະນະທຳ-ກິລາ, ທ່ອງທ່ຽວ ແລະ ສະຖານີໂທລະພາບ ແຫ່ງຊາດຫວຽດນາມ ໄດ້ຈັດລາຍການສະແດງສິລະປະພິເສດ ເພື່ອຍ້ອງຍໍສັນລະເສີນທ່ານປະທານໂຮ່ຈິມິນ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງພ້ອມກັບບັນດາການນຳພັກ, ລັດຖະບານ, ແນວໂຮມປະເທດຊາດໄດ້ເຂົ້າຮ່ວມ. ກ່າວຄຳເຫັນເປີດລາຍການ, ທ່ານດິງເທ້ຮີງ ກຳມະການກົມການເມືອງ, ຫົວໜ້າ ຄະນະໂຄສະນາສຶກສາ ສູນກາງພັກ ໄດ້ຊີ້ແຈ້ງວ່າ :
“ 45 ປີທ່ີຜ່ານມາ, ທົ່ວພັກ, ທົ່ວປວງຊົນ, ທົ່ວກອງທັບຫວຽດນາມ ໄດ້ເປັນຈິດໃຈດຽວ, ທຸມເຫືອ່ເທແຮງປະຕິບັດຄຳພິໄນກຳຂອງ ທ່ານປະທານໂຮ່ຈິມິນ, ສ້າງໃຫ້ມີໄຊຊະນະທີ່ສະຫງ່າງາມໃນແຕ່ລະໄລຍະປະຕິວັດ, ພ້ອມກັນນັ້ນ ກໍຮັບຮູ້ຢ່າງເລິກເຊິ່ງວ່າ ພັກກອມມູນິດ ແລະ ປະຊາຊົນຫວຽດນາມຍັງຕ້ອງສູ້ຊົນຫຼາຍກ່ວາອີກເຮັດປະຕິບັດສຳເລັດຕາມຄວາມຫວັງຂອງເພິ່ນ. ໃນລາຍການສະແດງສິລະປະພິເສດນີ້, ພວກເຮົາພ້ອມກັນທົບທວນຄືນຄຳສັ່ງສອນຂອງ ທ່ານປະທານໂຮ່ຈິມິນວ່າ : ວັດທະນະທຳສິລະປະກໍແມ່ນແນວຮົບໜຶ່ງ, ອ້າຍເອື້ອຍນ້ອງກໍແມ່ນັກຮົບໃນແນວຮົບນັ້ນ ”
ລາຍການກະຈາຍສຽງພິເສດເນື່ອງໃນໂອກາດລະນຶກ 45 ປີແຫ່ງການປະຕິບັດຄຳພິໄນກຳຂອງ ທ່ານປະທານໂຮ່ຈິມິນ
|
ວັນທີ 31/8, ວິທະຍຸກະຈາຍສຽງຫວຽດນາມໄດ້ໃຫ້ອອກອາກາດສົດລາຍການກະຈາຍສຽງພິເສດໃນລະບົບຂ່າວການເມືອງ-ສັງລວມເນື່ອງໃນໂອກາດລະນຶກ 45 ປີແຫ່ງການປະຕິບັດຄຳພິໄນກຳຂອງ ທ່ານປະທານໂຮ່ຈິມິນ. ດ້ວຍຫົວເລື່ອງ “ຄຳພິໄນກຳຂອງ ທ່ານປະທານໂຮ່ຈິມິນ: ຄຳພິໄນກຳຂອງກ່ຽວກັບມະນຸດ ແລະ ເພື່ອມະນຸດ ” , ບັນດາບົດສາລະຄະດີ, ບົດເພງປະສານເຂົ້າກັບພ້ອມກັບຄຳວິເຄາະຂອງແຂກຖືກເຊີນ, ບັນດາຕົວພະຍານປະຫວັດສາດ ໄດ້ຊ່ວຍໃຫ້ຜູ້ຟັງສາມາດເຂົາໃຈແຈ້ງກ່ຽວກັບສະພາວະທີ່ທ່ານປະທານໂຮ່ຈິມິນຂຽນບົດຄຳພິໄນກຳ, ບັນດາຄຸນຄ່າທີ່ຍິ່ງໃຫຍ່ຂອງບົດຄຳພິໄນກຳຂອງທ່ານປະທານໂຮ່ຈິມິນ, ກ່ຽວກັບປັດໄຈມະນຸດ-ເພື່ອມະນຸດໃນບົດຄຳພິໄນກຳຂອງ ທ່ານປະທານໂຮ່ຈິມິນ, ກ່ຽວກັບປັດໄຈສາມັກຄີໃນການກໍ່ສ້າງພັກ ແລະ ວຽກງານປະຕິບັດຕາມ ຄຳພິໄນກຳ ກໍຄືບັນດາບັນຫາພຶດຕິກຳທີ່ວາງອອກໃນປະຈຸບັນ.
ສາດສະດາຈານປະຫວັດສາດຊາວອາເມລິກາ ທ່ານ William Duiker
|
ຄຳພິໄນກຳຂອງທ່ານປະທານໂຮ່ຈິມິນຊ້ອນແຝງສິ່ງອະມະຕະ . ນີ້ແມ່ນຂໍ້ສັງເກດຂອງທ່ານ ໂກເບແລບ ຊາວລັດເຊຍທີ່ໄດ້ຮ່ຳຮຽນ, ປະຕິບັດງານຢູ່ຫວຽດນາມເປັນເວລາຫຼາຍປີ. ໃນປຶ້ມອ່ານທີ່ພາດຫົວຂໍ້ “ ສະຫາຍ ໂຮ່ຈິມິນ” ທີ່ພິມຈຳໜ່າຍເປັນພາສາລັດເຊຍ, ຫວຽດນາມ, ອົງກິດ, ລາວ, ມົງໂກນ.... ທ່່ານໄດ້ເຕື້ອງເຖິງເນື້ອໃນຄຳພິໄນກຳຂອງທ່ານປະທານໂຮ່ຈິມິນ ທີ່ປະໄວ້ໃຫ້ປະຊາຊົນຫວຽດນາມກ່ອນທີ່ເພີ່ນລວງລັບໄປ. ຕອບສຳພາດນັກຂ່າວ VOV ເນື່ອງໃນໂອກາດລະນຶກ 45 ປີແຫ່ງການປະຕິບັດຄຳພິໄນກຳຂອງ ທ່ານປະທານໂຮ່ຈິມິນ, ທ່ານ ໂກເບແລບ ຕີລາຄາວ່າ :
“ ນີ້ແມ່ນບົດຄຳພິໄນກຳທີ່ສ້າງຄວາມປະທັບໃຈທີ່ສຸດ ເພາະມັນເປັນສານສົ່ງຄວາມເຖິງທົ່ວປວງຊົນຫວຽດນາມ, ຊາດຫວຽດນາມ ແລະ ເຖິງທົ່ວໂລກອີກດ້ວຍ. ຄຳພິໄນກຳຂອງ ທ່ານປະທານໂຮ່ຈິມິນ ພາຍຫຼັງໄດ້ຮັບການປະກາດຢູ່ຫວຽດນາມນັ້ນ,ແມ່ນໄດ້ຖືກແປອອກເປັນພາສາລັດເຊຍ, ແລະຖືກລົງພິມໃນໜັງສືພິມຊຶເທີດ(ແປວ່າຄວາມຈິງ) ຊຶ່ງໄດ້ສົ່ງຜົນກະທົບຢ່າງແຂງແຮງເຖິງນ້ຳໃຈຄວາມຮັກແພງຂອງຜູ້ຄົນທັງຫຼາຍ ”
ສ່ວນໃນປຶ້ມອ່ານ “ໂຮ່ຈິມິນ : ຊີວິດຂອງຄົນໜຶ່ງ” ສາດສະດາຈານປະຫວັດສາດຊາວອາເມລິກາ ທ່ານ William Duiker ເນັ້ນໜັກວ່າ :
“ຄຳພິໄນກຳຂອງ ທ່ານປະທານໂຮ່ຈິມິນໄດ້ສ່ອງແສງເຖິງບັນດາຄວາມມຸ່ງຫວັງຂອງປະຊາຊົນຫວຽດນາມ ກໍຄືປະຊາຊົນໃນທ່ົວໂລກ. ຍົກຕົວຢ່າງຄືຄຳວ່າ : ເອກະລາດ, ທ່ານປະທານໂຮ່ຈິມິນກໍມີຄຳເວົ້າທີ່ໂດດເດັ່ນທີ່ວ່າ : ບໍ່ມີຫຍັງປະເສີດເລີດລ້ຳກວ່່າເອກະລາດ, ອິດສະຫຼະພາບ. ນີ້ແມ່ນບັນດາຄຸນຄ່າຊຶ່ງພວກເຮົາທຸກໆຄົນຕ່າງກໍແບ່ງປັນນຳກັນ ແລະ ຫວັງຢາກໄດ້. ຂ້າພະເຈົ້າມີຄວາມປະທັບໃຈຕໍ່ບັນດາຄວາມກ້າວໜ້າຊຶ່ງຫວຽດນາມຍາດມາໄດ້ໃນ 30 ປີທີ່ຜ່ານມາໃນການປະຕິບັດບັນດາຈຸດໝາຍຊຶ່ງທ່ານປະທານໂຮ່ຈິມິນໄດ້ວາງອອກ”