ສຸສານປະທານໂຮ່ຈີມິນ

ໜ້າຫຼັກຂອງບັນດາໜັງສືພິມໃຫຍ່ຢູ່ ຫວຽດນາມ ສະບັບອອກວັນທີ 2 ກັນຍາ ລ້ວນແຕ່ມີຂ່າວ, ບົດ, ພາບສະເຫຼີມສະຫຼອງ 73 ປີແຫ່ງວັນການປະຕິວັດເດືອນສິງຫາ ແລະ ວັນຊາດ 2/9.

        ໜັງສືພິມ ເຍີນເຢີນ (ປະຊາຊົນ) ໄດ້ລົງພິມຮູບປະທານໂຮ່ຈີມິນ ດ້ວຍການຄັດສະເໜີຄຳເວົ້າຂອງເພິ່ນທີ່ວ່າ: “ນັກປະຕິວັດຕ້ອງມີຄຸນສົມບັດປະຕິວັດເປັນພື້ນຖານ, ຈຶ່ງປະຕິບັດສຳເລັດໜ້ທີ່ການປະຕິວັດອັນສະຫງ່າລາສີໄດ້”. ເນື່ອງໃນໂອກາດນີ້, ໃນໜ້າຫຼັກຂອງໜັງສືພິມມີບົດນຳທີ່ວ່າ “ກ້າວເດີນຢ່າງໝັ້ນຄົງໃນເສັ້ນທາງການປະຕິວັດ”. ໃນນັ້ນ, ຢັ້ງຢືນວ່າວັນທີ 2 ກັນຍາ 1945 ໄດ້ “ກາຍເປັນວັນປະຫວັດສາດທີ່ສັກກະລະບູຊາ, ແມ່ນຂີດໝາຍທີ່ຮຸ່ງເຮືອງເຫຼືອງເຫຼື້ອມໃນປະຫວັດສາດແຫ່ງການສ້າງສາ ແລະ ປົກປັກຮັກສາປະເທດຊາດນັບພັນປີ” ຂອງຊາດ ຫວຽດນາມ.

        ສ່ວນໃນໜ້າຫຼັກຂອງໜັງສືພິມ ກອງທັບປະຊາຊົນ ຫວຽດນາມ ກໍ່ໄດ້ລົງຮູບພາບປະທານໂຮ່ຈີມິນ ແລະ ຄັດສະເໜີຄຳເວົ້າຂອງເພິ່ນໃນມື້ອ່ານບົດປະກາດເອກະລາດ “ປະເທດ ຫວຽດນາມ ມີສິດໄດ້ຮັບຄວາມເສລີ ແລະ ເອກະລາດ, ແລະ ຄວາມຈິງ ໄດ້ກາຍເປັນປະເທດເສລີພາບ, ເອກະລາດ. ປະຊາຊົນ ຫວຽດນາມ ທຸກຊັ້ນຄົນຕັດສິນໃຈນຳນ້ຳໃຈ ແລະ ກຳລັງ, ຊີວິດ ແລະ ຊັບສິນເພື່ອຮັກສາສິດເສລີພາບ ແລະ ເອກະລາດນັ້ນໄວ້ຢ່າງໝັ້ນຄົງ.”