ສະເຫຼີມສະຫຼອງ ວັນນ້ຳໂລກ 2017
(ຫວຽດນາມ ສະເຫຼີມສະຫຼອງວັນນ້ຳໂລກ 2017 ຢູ່ບັກນິງ)
(vovworld) – ວັນທີ 22/3, ໃນທົ່ວໂລກໄດ້ດຳເນີນການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງ ວັນນ້ຳໂລກ 2017. ວັນນ້ຳໂລກ ປີນີ້ມີຫົວຂໍ້ “ນ້ຳເສຍ” ພ້ອມກັບບັ້ນເຄື່ອນໄຫວ “ ເປັນຫຍັງແມ່ນນ້ຳເສຍ” ແນໃສ່ຮຽກຮ້ອງວົງຄະນະຍາດຈົ່ງປະຢັດນ້ຳ ແລະ ນ້ຳໃຊ້ນຳເສຍຜ່ານການບຳບັດ ແລະ ຖືນ້ຳເສຍແມ່ນແຫຼ່ງຊັບພະຍາກອນ.
ຕອນເຊົ້າວັນທີ 22/03, ຢູ່ນະຄອນບັກນິງ, ແຂວງບັກນິງ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ສົມທົບກັບຄະນະກຳມະການປະຊາຊົນແຂວງບັກນິງ ຈັດຕັ້ງພິທີໂຮມຊຸມນຸມມິດຕິງເພື່ອຕອບສະໜອງວັນນ້ຳໂລກ 2017 ດ້ວຍຫົວຂໍ້ວ່າ “ນ້ຳເສຍ”. ວັນນ້ຳໂລກ ປີນີ້ມີຫົວຂໍ້ “ນ້ຳເສຍ” ແມ່ນເພື່ອແນໃສ່ໂຄສະນາ, ຂົນຂວາຍ ແລະ ຍົກສູງຄວາມຮັບຮູ້ຂອງທົ່ວສັງຄົມ, ຮຽກຮ້ອງໃຫ້ຫຼຸດຜ່ອນການປ່ອຍນ້ຳເສຍ ແລະ ນຳໃຊ້ນ້ຳຜ່ານການບຳບັດ, ຫຼີກລ້ຽງການນຳໃຊ້ນ້ຳຢ່າງຟຸມເຟືອຍ… ເພື່ອມຸ່ງໄປເຖິງເປົ້າໝາຍພັດທະນາແບບຍືນຍົງຂອງສະຫະປະຊາຊາດ ແມ່ນຮອດປີ 2030 ທຸກຄົນລ້ວນແຕ່ສາມາດນຳໃຊ້ແຫຼ່ງນ້ຳສະອາດ ແລະ ປັບປຸງບັນດາເງື່ອນໄຂທຳຄວາມສະອາດ ຜ່ານການຫຼຸດຜ່ອນປະລິມານນ້ຳເສຍທີ່ຍັງບໍ່ທັນຜ່ານການບຳບັດ ແລະ ເພີ່ມທະວີການນຳໃຊ້ນ້ຳຜ່ານການບຳບັດຢ່າງປອດໄພ. ກ່າວຄຳເຫັນທີ່ພິທີໂຮມຊຸມນຸມມິດຕິງ, ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈີນຮົ່ງຮ່າ ເນັ້ນໜັກວ່າ :
“ ມື້ນີ້, ເນື່ອງໃນໂອກາດ ວັນນ້ຳໂລກ 2017, ຂ້າພະເຈົ້າຮຽກຮ້ອງໃຫ້ບັນດາຂະແໜງການຂັ້ນຕ່າງໆຈົ່ງພ້ອມກັນແກ້ໄຂ ແລະ ນຳໃຊ້ນ້ຳຜ່ານການບຳບັດຢ່າງປອດໄພເພື່ອຫັນນ້ຳເສຍກາຍເປັນແຫຼ່ງຊັບພະຍາກອນທຳມະຊາດ. ເພື່ອເຮັດໄດ້ສິ່ງດັ່ງກ່າວ, ຄວນຍົກສູງລະດັບຄວາມຮັບຮູ້ຂອງທົ່ວສັງຄົມກ່ຽວກັບການຫຼຸດຜ່ອນສະພາບມົນລະພິດແຫຼ່ງນ້ຳ, ຂຸດຄົ້ນ ແລະ ນຳໃຊ້ແຫຼ່ງນ້ຳດ້ວຍຄວາມປະຢັດ ແລະ ມີປະສິດທິຜົນ ”
ຕອນເຊົ້າວັນດຽວດັນ, ຢູ່ມະຫາວິທະຍາໄລສ້າງຄູເຕັກນິກວິງ ແຂວງເງະອານ, ສູນກາງສະພາກາແດງຫວຽດນາມ ໄດ້ສົມທົບກັບບໍລິສັດພິແອນຈີ ຫວຽດນາມ ຈັດຕັ້ງພິທີສະເຫຼີມສະຫຼອງ ວັນນ້ຳໂລກ 2017 ເຊັ່ນດຽວກັນ.
ກ່ອນໜ້ານັ້ນ, ວັນທີ 21/03, ຢູ່ແຂວງ ບັກນິງ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ຈັດຕັ້ງກອງປະຊຸມສຳມະນາວິທະຍາສາດ “ບຳບັດນ້ຳເສຍຢ່າງປອດໄພ, ນຳໃຊ້ແຫຼ່ງນ້ຳຜ່ານການບຳບັດ - ມາດຕະການປົກປັກຮັກສາແຫຼ່ງຊັບພະຍາກອນນ້ຳຢ່າງໝັ້ນຄົງ”.