ການນຳພັກ, ລັດ ຫວຽດນາມ ເຂົ້າຄຳນັບສຸສານປະທານ ໂຮ່ຈີມິນ
(ພາບ:Thong Nhat - TTXVN)
|
(vovworld) - ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດ (6/1/1946 – 6/1/2016), ຕອນເຊົ້າວັນທີ 6/1, ຄະນະຜູ້ແທນການນຳພັກ, ລັດ ແລະ ຜູ້ຕາງໜ້າສະມາຊິກສະພາແຫ່ງຊາດ ຫວຽດນາມ ລຸ້ນຕ່າງໆໄດ້ເຂົ້າຄຳນັບສຸສານ ປະທານໂຮ່ຈີມິນ.
ແລະກໍ່ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດຂອງສະພາແຫ່ງຊາດ ຫວຽດນາມ, ໜັງສືພິມ ກວນໂດ້ຍເຍີນເຢິນ (ກະບອກສຽງຂອງກອງທັບປະຊາຊົນ ຫວຽດນາມ) ສະບັບອອກວັນທີ 6/1 ດ້ວຍຫົວຂໍ້ມີບົດນຳ “ເຫດການສຳຄັນຍິ່ງ, ຂີດໝາຍສະຕະວັດ”. ບົດນຳຢັ້ງຢືນວ່າ: ໄຊຊະນະຂອງການເລືອກຕັ້ງທົ່ວປະເທດຄັ້ງທຳອິດເລືອກຕັ້ງສະພາແຫ່ງຊາດກ່ອນນີ້ 70 ປີແມ່ນຂີດໝາຍບາດກ້າວເຕີບໃຫຍ່ຂອງລັດປະຕິວັດ ຫວຽດນາມ, ອັນໄດ້ເປີດໄລຍະໃໝ່, ໄລຍະປະເທດ ຫວຽດນາມ ມີສະພາແຫ່ງຊາດ, ລັດຖະບານເປັນເອກະພາບ, ມີລັດຖະທຳມະນູນກ້າວໜ້າ ແລະ ລະບົບອຳນາດການປົກຄອງດ້ວຍຖານະດ້ານກົດໝາຍຢ່າງຄົບຖ້ວນ.
ໃນຄວາມຊົງຈຳຂອງບັນດາຜູ້ອາຍຸສູງຢູ່ອຽນບ໋າຍ, ຈຸດເວລາປະຫວັດສາດຂອງການເລືອກຕັ້ງສະພາແຫ່ງຊາດກ່ອນນີ້ 70 ປີຄືຫາກໍ່ຖືກດຳເນີນໄປໃນມໍ່ໆມານີ້. ຮູບພາບເປັນຄັ້ງທຳອິດໄປປ່ອນບັດເລືອກຕັ້ງກ່ອນນີ້ 70 ປີບໍ່ມີວັນຈະຈາງຫາຍໄປໃນຄວາມຊົງຈຳຂອງທ່ານ ຟ້າມຕີ໋ງ, ຢູ່ນະຄອນ ອຽນບ໋າຍ:
“ປະຊາຊົນຢູ່ບ້ານຂ້າພະເຈົ້າ, ທັງໄວໜຸ່ມ, ທັງຜູ້ເຖົ້າ, ທັງຍິງ, ທັງຊາຍໃຜໆກໍ່ເບີກບານມ່ວນຊື່ນຍ້ອນວ່າໂດຍເລີ່ມຈາກປະຊາຊົນຂອງປະເທດຖືກຮຸກຮານ ປະຈຸບັນໄດ້ໄປປ່ອນບັດເລືອກຕັ້ງ. ສຳລັບຂ້າພະເຈົ້າເອງ, ເມື່ອໄດ້ໄປປ່ອນບັດເລືອກຕັ້ງສະມາຊິກສະພາແຫ່ງຊາດຄັ້ງທຳອິດຂອງປະເທດສາທາລະນະລັດປະຊາທິປະໄຕ ຫວຽດນາມ ກໍ່ມີຄວາມຕື້ນຕັນໃຈຫຼາຍ, ຜ່ານການເລືອກຕັ້ງທົ່ວປະເທດ 13 ເທື່ອແລ້ວ, ຂ້າພະເຈົ້າເຫັນວ່າການເລືອກຕັ້ງສະພາແຫ່ງຊາດຄັ້ງທຳອິດເມື່ອວັນທີ 6/1/1946 ໄດ້ເຮັດໃຫ້ຂ້າພະເຈົ້າຕື້ນຕັນໃຈທີ່ສຸດ”