ສ້າງພື້ນຖານລັດຖະ ການ,ລັດຖະກອນ ຫວຽດນາມມີປະ ສິດທິຜົນ
(ພາບ: Phạm Kiên/TTXVN )
(vovworld) –ຕອນເຊົ້າວັນທີ 20/10, ຢູ່ຮ່າໂນ້ຍ, ກອງປະຊຸມຂອງອົງການບໍລິຫານພາກຕາເວັນອອກໂລກ EROPA 2014 ໄດ້ຈັດວາລະປະຊຸມຄົບຄະນະຄັ້ງທຳອິດ. ດ້ວຍຫົວເລື່ອງ: “ການບໍລິຫານຂອງລັດໃນສະພາບການເຊື່ອງໂຍງເຂົ້າກັບພາກພື້ນ ແລະ ໂລກ“, ກອງປະຊຸມ EROPA 2014 ໄດ້ດຶງດູດການເຂົ້າຮ່ວມຂອງບັນດາຜູ້ແທນ 10 ປະເທດສະມາຊິກ EROPA. ທີ່ວາລະປະຊຸມນີ້, ບັນດາຜູ້ແທນໄດ້ຮັບຟັງການແບ່ງປັນກ່ຽວກັບຄວາມຈະແຈ້ງ ແລະ ຄວາມຮັບຜິດຊອບອະພິປາຍຂອງລັດຖະບານກ່ຽວຂ້ອງເຖິງລະບົບ digital ຢູ່ຍີ່ປຸ່ນ; ການເຂົ້າຮ່ວມຂອງພາກເອກະຊົນໃນການຫລຸດຜ່ອນ ແລະ ຮັບມືກັບການປ່ຽນແປງຂອງດິນຟ້າອາກາດຂອງຟິລິບປິນ; ບັນດາການບໍລິຫານຂອງລັດໃນສະພາບຫັນເປັນໂລກພິບັດ ແລະ ການເຊື່ອມໂຍງ, ບັນດາສິ່ງທ້າທາຍ ແລະ ມາດຕະການໃຫ້ແກ່ການບໍລິຫານຫວຽດນາມ.
ກ່າວຄຳເຫັນທີ່ວາລະປະຊຸມ, ທ່ານເຈິ່ນແອງຕວນ, ລັດຖະມົນຕີຊ່ວຍວ່າການກະຊວງພາຍໃນຫວຽດນາມ, ຫົວໜ້າຄະນະຈັດຕັ້ງກອງປະຊຸມ EROPA 2014 ໃຫ້ຮູ້ວ່າ:
“ປະຈຸບັນ, ໃນສະພາບການຫັນເປັນໂລກພິບັດ ແລະ ການເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງກ້ວາງຂວາງ, ການເຂົ້າຮ່ວມ EROPA ຂອງຫວຽດນາມ ແມ່ນໂອກາດທີ່ດີເພື່ອໃຫ້ຫວຽດນາມ ສາມາດແບ່ງປັນ, ຮ່ວມມືກັບບັນດາປະເທດສະມາຊິກ EROPA. ຜ່ານນັ້ນໄດ້ປະກອບສ່ວນຍຸ້ແຮງໂຄງການປະຕິຮູບການບໍລິຫານ, ປະຕິຮູບກົນໄກລັດຖະການ, ລັດຖະກອນຂອງຫວຽດນາມ ດ້ວຍຈຸດໝາຍສ້າງພື້ນຖານລັດຖະການຄວາມຮັບຜິດຊອບ, ຂະຫຍັນຂັນເຂື່ອນ, ຈະແຈ້ງ ແລະ ມີປະສິດທິຜົນ“./.