(vovworld) – ເນື່ອງໃນໂອກາດໄຂສົກຮຽນໃໝ່ 2015 – 2016, ທ່ານປະທານປະເທດ ເຈືອງເຕີນຊາງ ໄດ້ຝາກຈົດໝາຍເຖິງບັນດາຄູອາຈານລຸ້ນຕ່າງໆ, ພະນັກງານ, ພາລະກອນ, ລັດຖະກອນຂະແໜງສຶກສາ ແລະ ພໍ່ແມ່ນັກຮຽນ, ນັກສຶກສາໃນທົ່ວປະເທດ. ທ່ານປະທານປະເທດເນັ້ນໜັກວ່າ: ສົກຮຽນ 2015 – 2016, ຂະແໜງສຶກສາຕ້ອງສືບຕໍ່ຍູ້ແຮງຂະບວນການແຂ່ງຂັນ “ສອນດີ, ຮຽນເກັ່ງ” ແລະ ປະຕິບັດບັນດາໜ້າທີ່ໃຫ້ບັນລຸປະສິດທິຜົນເຊິ່ງໄດ້ວາງອອກໃນມະຕິຂອງກອງປະຊຸມສູນກາງຄັ້ງທີ 8, ຊຸດທິ 11 ກ່ຽວກັບການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ, ຮອບດ້ານ. ນອກຈາກນັ້ນ, ຂະແໜງສຶກສາຕ້ອງປະຕິບັດມະຕິຂອງສະພາແຫ່ງຊາດ ກ່ຽວກັບການປ່ຽນໃໝ່ຫຼັກສູດ, ປືມຕຳລາຮຽນຂັ້ນສຶກສາມັດທະຍົມ. ທ່ານປະທານປະເທດ ສະເໜີໃຫ້ອົງຄະນະພັກທຸກຂັ້ນ, ອຳນາດການປົກຄອງ, ບັນດາອົງການມະຫາຊົນ, ຄອບຄົວ ແລະ ສັງຄົມ ສືບຕໍ່ເອົາໃຈໃສ່ກວ່າອີກ, ສົມທົບກັບຂະແໜງສຶກສາຢ່າງແໜ້ນແຟ້ນ, ສ້າງເງື່ອນໄຂຢ່າງດີທີ່ສຸດໃຫ້ການຮໍ່າຮຽນ, ຝຶກຝົນຫຼໍ່ຫຼອມ ແລະ ສູ້ສົນສ້າງລຸ້ນຕໍ່ໄປໃຫ້ປະເທດຊາດ.