(vovworld) – ວັນທີ 28/07, ທ່ານ ສຸເທບ ເທືອກສຸບັນ, ຜູ້ນຳການແຫ່ຂະບວນປະທ້ວງຢູ່ຕາມຖະໜົນທີ່ແກ່ຍາວເປັນເວລາຫຼາຍເດືອນຢູ່ໄທ ກອນດຳເນີນການລັດຖະປະຫານຫວ່າງແລ້ວນີ້ ໄດ້ຖືກສານອາຍາໄທ ຮຽກມາເພື່ອຄັດຄ້ານຄຳກ່າວປະກາດໂທດຂ້າຄົນທີ່ກ່ຽວຂ້ອງເຖິງການປາບປາມຂະບວນການເສື້ອແດງ ກອນນີ້ 4 ປີ.
ທ່ານ ສຸເທບ ຖືກກ່າວໂທດວ່າ ໄດ້ອອກຄຳສັ່ງໃຫ້ກຳລັງກອງທັບຍິງປືນໃສ່ຜູ້ແຫ່ຂະບວນປະທວງຝ່າຍເສື້ອແດງ ເມື່ອປີ 2010, ໃນຈຸດເວລາທີ່ທ່ານເປັນຮອງນາຍົກລັດຖະມົນຕີ ທີ່ຂຶ້ນກັບພັກປະຊາທິປັດກຳອຳນາດໃນຄາວນັ້ນ, ເຮັດໃຫ້ 98 ຄົນເສຍຊີວິດ ແລະ ນັບຮ້ອຍຄົນຖືກບາດເຈັບ. ໃນເດືອນ 05 ຜ່ານມາ, ສານອາຍາໄທ ຟ້ອງສານທ່ານສຸເທບ ດ້ວຍໂທດກຳເຂັ່ນຂ້າ ແລະ ເຂັ່ນຂ້າມີຈຸດປະສົງ. ແຕ່ວ່າ, ວັນທີ 28/07, ທີ່ສານອາຍາ, ທ່ານສຸເທບ ໄດ້ປະຕິເສດໂທດດັ່ງກ່າວ.