ພາບປະກອບ
|
(vovworld) - ຕອນເຊົ້າວັນທີ 16/3, ຢູ່ນະຄອນ ໂຮ່ຈີມິນ, ສະຫະສະມາຄົມພະລັງງານ ຫວຽດນາມ ໄດ້ສົມທົບກັບສະຫະສະມາຄົມພະລັງງານ ສ. ເກົາຫຼີ ຈັດຕັ້ງກອງປະຊຸມສຳມະນາສາກົນເຕັກໂນໂລຢີໃໝ່ກ່ຽວກັບຕາໜ່າງໄຟຟ້າ, ພະລັງງານຜະລິດຄືນໃໝ່ ແລະ ລະບົບເກັບຮັກສາພະລັງງານ. ນະທີ່ນີ້, ບັນດານັກຊ່ຽວຊານ ສ. ເກົາຫຼີ ໄດ້ແນະນຳຫຼາຍເຕັກໂນໂລຢີຜະລິດພະລັງງານຜະລິດຄືນໃໝ່ເພື່ອສະໜອງໄຟຟ້າໃຫ້ບັນດາເກາະ, ໝູ່ເກາະ, ບັນດາບໍລິເວນຫ່າງໄກສອກຫຼີກ, ຕຶກອາຄານສູງ… ກ່າວຄຳເຫັນທີ່ກອງປະຊຸມສຳມະນາ, ທ່ານ ເຈີ່ນວຽດຫງາຍ, ປະທານສະຫະສະມາຄົມພະລັງງານ ຫວຽດນາມ, ຖືວ່າ:
“ເຂດທາງທິດໃຕ້ພາກກາງ ຕະຫຼອດຮອດພາກໃຕ້ ແມ່ນເຂດທີ່ມີແດດຫຼາຍ, ລົມຫຼາຍອາດຈະຜັນຂະຫຍາຍຫຼາຍໂຄງການພະລັງງານໄຟຟ້າຜະລິດຄືນໃໝ່ຈາກພະລັງແຮງລົມ, ໄຟຟ້າແສງຕາເວັນ. ດັ່ງນັ້ນ, ຖ້າຫາກກໍ່ສ້າງບັນດາໂຮງງານພະລັງງານຜະລິດຄືນໃໝ່ຈະປະຢັດ ແລະ ຫລຸດຜ່ອນຄວາມດັນໃຫ້ແກ່ລະບົບໄຟຟ້າແຫ່ງຊາດ, ພ້ອມທັງຈະຫລຸດຜ່ອນຄວາມກົດດັນໃຫ້ໂຮງງານໄຟຟ້າໃຊ້ພະລັງຄວາມຮ້ອນຈາກຖານຫີນ.”