ຊຸມມື້ “ສາມັກຄີອາຊຽນ - ວິໄສທັດໜຶ່ງ, ສີສັນໜ່ຶງ, ປະຊາຄົມໜຶ່ງ”
(ພາບ: langvanhoa.vn)
(vovworld) – ຊຸມມື້ “ສາມັກຄີອາຊຽນ - ວິໄສທັດໜຶ່ງ, ສີສັນໜ່ຶງ, ປະຊາຄົມໜຶ່ງ” ຖືກໄຂຂຶ້ນຢ່າງເປັນທາງການໃນຕອນຄໍ່າວັນທີ 21/11, ຢູ່ບ້ານວັດທະນະທຳ - ທ່ອງທ່ຽວບັນດາເຜົ່າຫວຽດນາມ, ແຂວງເຊີນໂຕ, ຮ່າໂນ້ຍ. ດ້ວຍຫົວຂໍ້ວ່າ “ສາມັກຄີ - ຮ່ວມມື - ພັດທະນາ”, ເຫດການດັ່ງກ່າວແມ່ນໂອກາດເພື່ອໃຫ້ບັນດາປະເທດອາຊຽນໂຄສະນາ, ແນະນຳກ່ຽວກັບປະເທດ, ມະນຸດ ແລະ ຄຸນຄ່າວັດທະນະທຳດີເດັ່ນ, ບັນດາຄວາມມານະພະຍາຍາມໃນການປົກປັກຮັກສາ, ອະນຸລັກຮັກສາຄຸນຄ່າວັດທະນະທຳຂອງບັນດາປະເທດອາຊຽນເວົ້າລວມ ແລະ ຫວຽດນາມ ເວົ້າສະເພາະ. ການເຄື່ອນໄຫວດັ່ງກ່າວແມ່ນເພື່ອແນໃສ່ເພີ່ມທະວີຄວາມເຂົ້າໃຈ, ຄວາມຕິດພັນລະຫວ່າງບັນດາປະເທດ, ປະກອບສ່ວນສ້າງອາຊຽນ ສາມັກຄີ, ຂະຫຍັນຂັນເຄື່ອນ, ພັດທະນາ, ເປັນເຂດສັນຕິພາບ ແລະ ວັດທະນາຖາວອນ.
ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິງມິງ ຢືນຢັນວ່າ.
“ອາຊຽນ ພວມກ້າວເດີນຢ່າງໝັ້ນຄົງເພື່ອກາຍເປັນປະຊາຄົມອາຊຽນ ໃນປີ 2015. ໃນໄລຍະພັດທະນາໃໝ່ນີ້, ອາຊຽນ ໜຶ່ງທີ່ສາມັກຄີ, ຜູກພັນກັນໃນ “ວິໄສທັດໜຶ່ງ, ສີສັນໜ່ຶງ, ປະຊາຄົມໜຶ່ງ” ລວມແມ່ນສານຂອງບັນດາປະເທດອາຊຽນ ທີ່ສົ່ງເຖິງປະຊາຄົມໂລກ, ໃນນັ້ນວັດທະນະທຳໄດ້ສວມບົດບາດສຳຄັນ, ປະກອບສ່ວນນຳອາຊຽນ ກາຍເປັນ “ຊາຍຄາລວມ” ໃຫ້ປະຊາຄົມບັນດາປະຊາຊາດອາຊຽນ. ຂ້າພະເຈົ້າຍາມໃດກໍ່ປາດຖະໜາອາຊຽນ ສາມັກຄີ, ຮ່ວມມືເຊິ່ງກັນ ແລະ ກັນຢ່າງມີປະສິດທິຜົນ ເພື່ອເພີ່ມພູນຄຸນສ້າງສັນຕິພາບ, ຄວາມໝັ້ນຄົງ ແລະ ວັດທະນາຖາວອນ ຂອງທັງພາກພື້ນ ກໍ່ຄືຂອງແຕ່ລະປະເທດອາຊຽນ ແລະ ເພື່ອຜົນປະໂຫຍດລວມຂອງປະຊາຄົມສາກົນ”.