ຫວຽດນາມ ນັບມື້ນັບມີບົດບາດສຳຄັນໃນອົງການຈັດຕັ້ງສາກົນບັນດາປະເທດໃຊ້ພາສາຝຣັ່ງ
ທ່ານ ຫງວຽນງອກເຊີນ, ເອກອັກຄະລັດຖະທູດ ຫວຽດນາມ ປະຈຳ ຝຣັ່ງ
(ພາບ: ທ໋າຍເຟືອງ/VOV-Paris)
|
(vovworld) - ແຕ່ວັນທີ 27 -31/3, ສະຖາບັນສາກົນພາສາຝຣັ່ງ, ຂຶ້ນກັບມະຫາວິທະຍາໄລສັງລວມ Paul – Valery Montpellier 3, ສະຖານທູດ ຫວຽດນາມ ປະຈຳ ຝຣັ່ງ ແລະ ຫຼາຍອົງການອື່ນໆ ໄດ້ສົມທົບກັນຈັດຕັ້ງ “ສັບປະດາສາກົນ ພາສາຝຣັ່ງ” ຢູ່ນະຄອນ Montpellie, ປະເທດ ຝຣັ່ງ. ຫົວຂໍ້ຂອງສັບປະດາພາສາ ຝຣັ່ງ ປີນີ້ແມ່ນ “ພາສາ ຝຣັ່ງ ຢູ່ ອາຊີ” ດ້ວຍການເຄື່ອນໄຫວອຸດົມສົມບູນ ໃນນັ້ນມີບັນດາກອງປະຊຸມສຳມະນາ, ການໂອ້ລົມສົນທະນາ, ການວາງສະແດງ… ກ່ຽວຂ້ອງເຖິງບັນດາບັນຫາກ່ຽວກັບພາສາ ຝຣັ່ງ ຢູ່ ອາຊີ.
ທີ່ກອງປະຊຸມສຳມະນາໃນວັນທີ 27/3, ດ້ວຍຫົວຂໍ້ “ພາສາ ຝຣັ່ງ ຢູ່ ຫວຽດນາມ: ປະຫວັດສາດ, ວັນນະຄະດີ ແລະ ຄວາມຊົງຈຳ”, ບັນດາບົດທາບທາມຄວາມເຫັນຂອງນັກຮຽນຮູ້, ນັກຊ່ຽວຊານກ່ຽວກັບພາສາສາດ ແລະ ວັນນະຄະດີ ຝຣັ່ງ ໄດ້ຢັ້ງຢືນວ່າ ຫວຽດນາມ ນັບມື້ນັບມີບົດບາດສຳຄັນໃນປະຊາຄົມບັນດາປະເທດນຳໃຊ້ ພາສາ ຝຣັ່ງ ແລະ ອົງການຈັດຕັ້ງສາກົນບັນດາປະເທດໃຊ້ພາສາຝຣັ່ງ (OIF). ທ່ານ ຫງວຽນງອກເຊີນ, ເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ກ່າວຄຳເຫັນຊີ້ແຈ້ງໂດຍສັງເຂບກ່ຽວກັບການເຂົ້າຮ່ວມຂອງ ຫວຽດນາມ ໃນ OIF ໄລຍະຜ່ານມາ, ບັນດາການປະກອບສ່ວນຕັ້ງໜ້າຂອງ ຫວຽດນາມ ໃຫ້ແກ່ກຸ່ມເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນຈັດຕັ້ງກອງປະຊຸມຂັ້ນສູງ Francophonie ຄັ້ງທີ 7 ຢູ່ ຮ່າໂນ້ຍ (1997). ທ່ານເອກອັກຄະລັດຖະທູດ ຫງວຽນງອກເຊີນ ເນັ້ນໜັກວ່າ: ບັນດາບາດກ້າວພັດທະນາສຳຄັນໃນການພົວພັນລະຫວ່າງ ຫວຽດນາມ ແລະ OIF ໃນປີ 2016, ສະແດງອອກຜ່ານການຢ້ຽມຢາມ ຫວຽດນາມ ຂອງທ່ານເລຂາທິການໃຫຍ່ OIF ໃນເດືອນ 9/2016, ເລື່ອງທ່ານປະທານປະເທດ ຫວຽດນາມ ເຈີ່ນດ້າຍກວາງ ເຂົ້າຮ່ວມກອງປະຊຸມສຸດຍອດ Francoiphonie ຄັ້ງທີ 16 ຢູ່ Madagascar ໃນເດືອນ 11/2016, ການຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານາທິບໍດີ ຝຣັ່ງ Francois Hollande.