(vovworld) – ຫວຽດນາມ, ລາວ, ກຳປູເຈຍ ເພີ່ມທະວີການຮ່ວມມືປ້ອງກັນຕ້ານອາດຊະຍາກຳ. ນີ້ແມ່ນຄຳໝັ້ນສັນຍາບັນລຸໄດ້ລະຫວ່າງການນຳກະຊວງພາຍໃນແຫ່ງລາຊະອານາຈັກກຳປູເຈຍ, ກະຊວງປ້ອງກັນຄວາມສະຫງົບ ສປປ.ລາວ ແລະ ກະຊວງຕຳຫຼວດຫວຽດນາມ ທີ່ກອງປະຊຸມລັດຖະມົນຕີ 3 ປະເທດຫວຽດນາມ, ລາວ, ກຳປູເຈຍ ກ່ຽວກັບການຮ່ວມມືປ້ອງກັນ, ຕ້ານອາດຊະຍາກຳຄັ້ງທີ 2 ເຊິ່ງດຳເນີນໄປຢູ່ນະຄອນດ່າລາດ, ແຂວງເລີມດົ່ງ.
ກອງປະຊຸມໄດ້ຍົກອອກຖະແຫຼງການຮ່ວມ 8 ຂໍ້, ຊີ້ແຈ້ງທິດທາງການພົວພັນຮ່ວມມືລະຫວ່າງກຳລັງຕຳຫຼວດ 3 ປະເທດ ໃນໄລຍະຈະມາເຖິງ. ໃນນັ້ນສຸມໃສ່ເຂົ້າໃນບັນດາມາດຕະການເພີ່ມທະວີການສົມທົບແກ້ໄຂບັນຫາພົນລະເມືອງຂອງປະເທດນີ້ ໄປອົບພະຍົບຢູ່ປະເທດອື່ນ; ແບ່ງປັນບົດນຽນໃນວຽກງານປ້ອງກັນ, ຕ້ານອາດຊະຍາກຳ, ຄວບຄຸມດ້ານຂາອອກ, ຂາເຂົ້າຢູ່ເຂດຊາຍແດນ…
ຖະແຫຼງການຮ່ວມກໍ່ຊີ້ແຈ້ງວ່າ, ກຳລັງຕຳຫຼວດ 3 ປະເທດ ຈະສືບຕໍ່ສົມທົບກັນໃນການຄົ້ນພົບ, ຕໍ່ສູ້, ສະກັດກັ້ນຢ່າງມີປະສິດທິຜົນບັນດາກົນອຸບາຍ, ການເຄື່ອນໄຫວທຳລາຍ, ແບ່ງແຍກການພົວພັນຖານບ້ານໃກ້ເຮືອນຄຽງ, ມິດຕະພາບທີ່ເປັນມູນເຊື້ອລະຫວ່າງ 3 ປະເທດ; ສົບທົບກັນຕໍ່ສູ້ກັບບັນດາອາດຊະຍາກຳຢ່າງມີປະສິດທິຜົນ.