(vovworld) – ກອງປະຊຸມບັນດາປະເທດສະມາຊິກສົນທິສັນຍາເຊີແນວຄັ້ງທີ 4 ກ່ຽວກັບການປົກປ້ອງສາມັນຊົນໃນສົງຄາມ ໄດ້ດຳເນີນໄປໃນວັນທີ 17/12, ຢູ່ເຊີແນວ, ປະເທດສະວິດ, ດ້ວຍການເຂົ້າຮ່ວມຂອງບັນດາຄະນະຜູ້ແທນທີ່ມາຈາກ 126 ປະເທດສະມາຊິກສົນທິສັນຍາ. ຄະນະຜູ້ແທນຫວຽດນາມ ໂດຍທ່ານເອກອັກຄະລັດຖະທູດ ຫງວຽນຈຸງແທ່ງ, ຫົວຫນ້າຄະນະຜູ້ປະຈຳການຫວຽດນາມ ຢູ່ຂ້າງສະຫະປະຊາຊາດ, ອົງການການຄ້າໂລກ ແລະ ບັນດາອົງການຈັດຕັ້ງສາກົນອື່ນໆຢູ່ເຊີແນວ ເປັນຫົວໜ້າຄະນະ.
ຫວຽດນາມ ໄດ້ພ້ອມກັບບັນດາປະເທດເຂົ້າຮ່ວມກອງປະຊຸມໄດ້ຮັບຮອງເອົາຖະແຫຼງການຂອງກອງປະຊຸມ, ຊີ້ແຈ້ງບັນດາຂໍ້ກຳນົດຕ່າງໆທີ່ຫ້າມທຸກຝ່າຍດຳເນີນໃນການປະທະກັນດ້ວຍກຳລັງອາວຸດຄື: ການບຸກໂຈມຕີເຂົ້າເປົ້າໝາຍປອດການທະຫານ ແລະ ເກີນຂອບເຂດອະນຸຍາດ ທີ່ກໍ່ຄວາມເສຍຫາຍເກີນໄປສຳລັບພື້ນຖານໂຄງລ່າງ, ຊັບສົມບັດຂອງພົນລະເມືອງ… ຖະແຫຼງການກໍ່ຫວນຄືນຄຳເຫັນໃຫ້ຄຳປຶກສາຂອງສານຍຸຕິທຳສາກົນ, ຕາມນັ້ນແລ້ວ, ເລື່ອງຝ່າຍຢືດຄອງກໍ່ສ້າງກຳແພງພາຍໃນ ແລະ ອ້ອມເຂດ Jerusalem ຕາເວັນອອກ ແມ່ນຜິດກັບກົດໝາຍມະນຸດສະທຳສາກົນ, ພ້ອມທັງສະແດງຄວາມວິຕົກກັງວົນຢ່າງເລິກເຊິ່ງຕໍ່ລະບອບການຄຸ້ມຄອງ ແລະ ບາງມາດຕະການໂດຍປະເທດຢືດຄອງດຳເນີນຢູ່ຜືນແຜ່ນດິນປາແລດສຕິນ…
ຜ່ານຖະແຫຼງການຮ່ວມ, ບັນດາປະເທດສະມາຊິກສົນທິສັນຍາ ໄດ້ຮຽກຮ້ອງບັນດາອົງການທີ່ກ່ຽວຂ້ອງຂອງສະຫະປະຊາຊາດ, ໃນນັ້ນມີຄະນະກຳມະການສືບສວນກ່ຽວກັບການປະທະກັນຢູ່ເຂດກາຊາ ໂດຍສະພາສິດທິມະນຸດສ້າງຕັ້ງເມື່ອເດືອນ 07/2014 ດຳເນີນການສືບສວນ, ເຮັດແຈ້ງໂທດສົງຄາມ, ໂທດຕ້ານມະນຸດຢູ່ເຂດດິນແດນດັ່ງກ່າວເພື່ອພິພາກສາ.