(vovworld) – ໃນລະຫວ່າງວັນທີ 29 – 30/09, ກອງປະຊຸມສະພາປະຊາຄົມວັດທະນະທຳ - ສັງຄົມອາຊຽນ (ASCC) ຄັ້ງທີ 12 ດຳເນີນໄປຢູ່ບາການ, ປະເທດມຽນມາ. ກ່ອນໜ້ານັ້ນ, ໄດ້ຈັດກອງປະຊຸມບັນດາເຈົ້າໜ້າທີ່ຂັ້ນສູງວັດທະນະທຳ - ສັງຄົມອາຊຽນ (SOCA) ແລະ ການປະຊຸມກຸ່ມປະຕິບັດງານຂອງ ASCC. ບັນດາລັດຖະມົນຕີ, ຫົວໜ້າຄະນະຮັບຜິດຊອບເສົ້າຄ້ຳວັດທະນະທຳ - ສັງຄົມຂອງ 10 ປະເທດສະມາຊິກອາຊຽນ ເຂົ້າຮ່ວມກອງປະຊຸມ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫງວຽນແທງຮ່ວາ ນຳໜ້າເຂົ້າຮ່ວມບັນດາການເຄື່ອນໄຫວຂອງກອງປະຊຸມ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ ຫງວຽນແທງຮ່ວາ ໄດ້ແບ່ງປັນຄວາມມານະພະຍາຍາມ ແລະ ຜົນງານເຊິ່ງບັນດາອົງການສັງກັດເສົ້າຄ້ຳປະຊາຄົມວັດທະນະທຳ - ສັງຄົມຂອງຫວຽດນາມ ໃນການປະຕິບັດແຜນສັງລວມ ASCC ໃນໄລຍະຜ່ານມາ, ກໍ່ຄືປະຕິບັດບັນດາເນື້ອໃນໃຫ້ບຸລິມະສິດຂອງ ASCC ໃນປີທີ່ມຽນມາ ເປັນປະທານ. ທ່ານຮອງລັດຖະມົນຕີ ເນັ້ນໜັກວ່າ, ອາຊຽນ ຕ້ອງປະຕິບັດສຳເລັດຖະແຫຼງການຮ່ວມອາຊຽນ ກ່ຽວກັບການປ່ຽນແປງຂອງດິນຟ້າອາກາດ ແລະ ເນື້ອໃນຮ່າງເອກະສານໄດ້ຊຸກຍູ້ ແລະ ປົກປ້ອງສິດຂອງຄົນງານອົບພະຍົບ, ກໍຄືເພີ່ມທະວີຄວາມມານະພະຍາຍາມໂຄສະນາເຜີບແຜ່ກ່ຽວກັບອາຊຽນ ເພື່ອແນໃສ່ຍົກສູງຄວາມຮັບຮູ້ຂອງປະຊາຊົນກ່ຽວກັບປະຊາຄົມ… ທ່ານຮອງລັດຖະມົນຕີ ຫງວຽນແທງຮ່ວາ ກໍ່ໄດ້ຮຽກຮ້ອງ: ບົນພື້ນຖານບັນດາປັດໄຈຕົ້ນຕໍ່ທີ່ລັດຖະມົນຕີ ASCC ໄດ້ເຫັນດີເປັນເອກະພາບ, ບັນດາເຈົ້າໜ້າທີ່ຂັ້ນສູງຂອງປະຊາຄົມວັດທະນະທຳ - ສັງຄົມ ຕ້ອງເປັນເຈົ້າການ, ຕັ້ງໜ້າເຂົ້າຮ່ວມການສ້າງເນື້ອໃນວັດທະນະທຳ - ສັງຄົມ ໃນວິໄສທັດປະຊາຄົມອາຊຽນ ໄລຍະຫຼັງປີ 2015 ຢ່າງລະອຽດ.