ຫວຽດນາມ ເຂົ້າຮ່ວມເວທີປາໄສຄວາມໝັ້ນຄົງສາກົນ ມົດສະກູ ຄັ້ງທີ 6
ເວທີປາໄສຄວາມໝັ້ນຄົງສາກົນ ມົດສະກູ ຄັ້ງທີ 6
(vovworld) - ໃນລະຫວ່າງວັນທີ 26 – 27/04, ພົນຕີ ຟ້າມຮົ່ງເຮືອງ ຮອງເສນາທິການໃຫຍ່ກອງທັບປະຊາຊົນ ຫວຽດນາມ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມ “ເວທີປາໄສຄວາມໝັ້ນຄົງສາກົນ ມົດສະກູ ຄັ້ງທີ 6”. ທີ່ວາລະປະຊຸມຄົບຄະນະເທື່ອທີ 3 ຂອງເວທີປາໄສມີຫົວຂໍ້ວ່າ: “ພາກພື້ນ ອາຊີ - ປາຊີຟິກ: ສ້າງຄວາມດຸ່ນດ່ຽງດ້ານຜົນປະໂຫຍດ ຫຼື ປະທະກັນດ້ວຍການໃຊ້ຄວາມຮຸນແຮງ” ຫົວໜ້າຄະນະ ຫວຽດນາມ ມີບົດທາບທາມຄວາມເຫັນ “ບົດບາດຂອງກຳລັງທະຫານໃນການພົວພັນສາກົນ”. ພົນຕີ ຟ້າມຮົ່ງເຮືອງ ເນັ້ນໜັກວ່າ:
“ປະຈຸບັນ ຫວຽດນາມ ພວມຕັ້ງໜ້າເຂົາຮ່ວມ ບັນດາອົງການ, ບັນດາກົນໄກຮ່ວມມືພາກພື້ນ ແລະ ສາກົນ, ເພື່ອແນໃສ່ປະກອບສ່ວນຍົກສູງປະສິດທິຜົນແຫ່ງການເຄື່ອນໄຫວຂອງບັນດາອົງການດັ່ງກ່າວ ໃນການປົກປັກຮັກສາຄວາມສະຫງົບປອດໄພ ແລະ ແກ້ໄຂການປະທະກັນ. ນັບແຕ່ປີ 2014 ຫວຽດນາມ ໄດ້ເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດຢ່າງເປັນທາງການ, ສະແດງຄວາມຮັບຜິດຊອບ, ນ້ຳໃຈຮັກຫອມຮັກສັນຕິພາບຂອງ ຫວຽດນາມ, ເພື່ອແນໃສ່ປະກອບສ່ວນພ້ອມກັບປະຊາຄົມສາກົນຮັກສາສັນຕິພາບ, ຄວາມສະຫງົບປອດໄພ ແລະ ສະຖຽນລະພາບໃນທົ່ວໂລກ. ຫວຽດນາມ ຈະສືບຕໍ່ເປີດກ້ວາງການເຂົ້າຮ່ວມ ແລະ ບັນດາການເຄື່ອນໄຫວຮັກສາສັນຕິພາບ ຂອງສະຫະປະຊາຊາດ, ຖືນີ້ແມ່ນໜ້າທີ່ຈຸດສຸມ ແລະ ເປັນປະຈຳ”.