ຫວຽດນາມ ໂຮມຊຸມນຸມຕອບສະໜອງ ວັນໂລກບໍ່ມີຢາສູບ
(ພາບປະກອບ)
(vovworld) - ຕອນເຊົ້າວັນທີ 25/05, ກະຊວງສາທາລະນະສຸກ ໄດ້ຈັດງານໂຮມຊຸມນຸມຕອບສະໜອງວັນໂລກບໍ່ມີຢາສູບ ແລະ ປຸກລະດົມສັບປະດາແຫ່ງຊາດບໍ່ມີຢາສູບ, ຢູ່ຮ່າໂນ້ຍ. ກ່າວຄຳເຫັນທີ່ພິທີ, ທ່ານນາງຮອງລັດຖະມົນຕີກະຊວງສາທະລະນະສຸກ ຫງວຽນທິຊວຽນ ໄດ້ກ່າວເຕື່ອນວ່າ ຢາສູບພວມແມ່ນໜຶ່ງໃນບັນດາສາຍເຫດທີ່ກໍໃຫ້ເກີດພະຍາດ ແລະ ຄວາມຕາຍອັນດັບໜຶ່ງໃນໂລກ. ຢູ່ຫວຽດນາມ ວັນບຸນຕອບສະໜອງວັນໂລກບໍ່ມີຢາສູບ, ສັບປະດາແຫ່ງຊາດບໍ່ມີຢາສູບ ຖືກຈັດຂຶ້ນໃນລະຫວ່າງວັນທີ 25 – 31/05. ກະຊວງສາທາລະນະສຸກຮຽກຮ້ອງໃຫ້ບັນດາອົງການ, ອົງການຈັດຕັ້ງ, ສ່ວນບຸກຄົນປະຕິບັດຂໍ້ກຳນົດຫ້າມສູບຢາຢູ່ບ່ອນເຮັດວຽກ, ໂຮງຮຽນ, ໂຮງໝໍ... ຢ່າງເຂັ້ມງວດຕາມຂໍ້ກຳນົດຂອງກົດໝາຍວ່າດ້ວຍຕ້ານຜົນຮ້າຍຈາກຢາສູບ. ທ່ານນາງຮອງລັດຖະມົນຕີ ຫງວຽນທິຊວຽນ ເວົ້າວ່າ.
“ການສົມທັບກັນລະຫວ່າງຂະແໜງເພື່ອຕິດຕາມ, ກວດກາ ແລະ ປັບໄໝບັນດາກໍລະນີລະເມີດການຫ້າມໂຄສະນາຢາສູບ. ນີ້ແມ່ນໜຶ່ງໃນບັນດາບັນຫາໃຫ້ບຸລິມະສິດໃນວຽກງານປ້ອງກັນ ຕ້ານຜົນຮ້າຍຈາກຢາສູບໃນປະຈຸບັນຢູ່ຫວຽດນາມ ເພື່ອປະກອບສ່ວນບັນລຸໄດ້ຈຸດໝາຍຫລຸດຜ່ອນອັນຕາຜູ້ສູບຢາ, ຫລຸດຜ່ອນອັດຕາເຈັບເປັນ ແລະ ເສຍຊີວິດ ຍ້ອນສູບຢາຢ່າງໝັ້ນຄົງ ແລະ ມີປະສິດທິຜົນ.”