ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ
|
(vovworld) – ວັນທີ 23/2, ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງ ຫວຽດນາມ ຕໍ່ຂໍ້ມູນຂ່າວ ຈີນ ໃກ້ຈະກໍ່ສ້າງໂຄງປະກອບກ່ວາ 20 ແຫ່ງໃນບັນດາເກາະທຽມຢູ່ທະເລຕາເວັນອອກສຳເລັດຜົນ, ກິດຈະກຳນີ້ຄ້າຍຄືສາງບັນຈຸລູກສອນໄຟໜ້າດິນຕ້ານເທິງອາກາດໄລຍະໄກ. ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ ໄດ້ຢັ້ງຢືນວ່າ: ຫວຽດນາມ ຈະກວດຄືນຂໍ້ມູນຂ່າວດັ່ງກ່າວ. ຫວຽດນາມ ມີພື້ນຖານນິຕິກຳ ແລະ ພະຍານຫຼັກຖານປະຫວັດສາດຢ່າງພຽງພໍເພື່ອຢັ້ງຢືນອະທິປະໄຕສຳລັບໝູ່ເກາະ 2 ແຫ່ງຮ່ວາງຊາ ແລະ ເຈື່ອງຊາ. ຫຼັກໝັ້ນຢ່າງສະເໝີຕົ້ນສະເໝີປາຍຂອງ ຫວຽດນາມ ແມ່ນແກ້ໄຂການຂັດແຍ້ງກັນຢູ່ທະເລຕາເວັນອອກດ້ວຍສັນຕິວິທີ, ເໝາະສົມກັບກົດໝາຍສາກົນ, ໃນນັ້ນມີສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982, ເຄົາລົບຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ. ທ່ານ ເລຫາຍບີ່ງ ໄດ້ຊີ້ແຈ້ງວ່າທຸກໆການເຄື່ອນໄຫວກໍ່ສ້າງ, ປັບປຸງບັນດາໂຄງປະກອບທີ່ຂຶ້ນກັບໝູ່ເກາະ ຮ່ວາງຊາ ແລະ ເຈື່ອງຊາ ເຊິ່ງບໍ່ມີການອະນຸຍາດຂອງ ຫວຽດນາມ ແລ້ວລ້ວນແຕ່ແມ່ນການກະທຳຜິດກົດໝາຍ. ຫວຽດນາມ ສະເໜີໃຫ້ບັນດາຝ່າຍກ່ຽວຂ້ອງມີການກະທຳຢ່າງມີຄວາມຮັບຜິດຊອບ, ບໍ່ໄດ້ມີການເຄື່ອນໄຫວໃດໆທີ່ເຮັດໃຫ້ສະພາບການສັບສົນຂຶ້ນຕື່ມ, ພິເສດແມ່ນການເຄື່ອນໄຫວດ້ານການທະຫານ, ນາບຂູ່ເຖິງສັນຕິພາບ, ສະຖຽນລະພາບ, ຄວາມສະຫງົບ, ປອດໄພ, ຄວາມເສລີໃນການເດີນເຮືອ ແລະ ການບິນຢູ່ທະເລຕາເວັນອອກ.