ຫວຽດນາມມານະພະຍາຍາມລົບລ້າງການໃຊ້ຄວາມຮຸ້ນແຮງໃນຄອບຄົວ
(ຫວຽດນາມ ມານະພະຍາຍາມ ລົບລ້າງການໃຊ້ຄວາມຮຸ້ນແຮງໃນຄອບຄົວ)
(vovworld) – ເພື່ອຕອບສະໜອງວັນສາກົນລົບລ້າງການໃຊ້ຄວາມຮຸ້ນແຮງສຳລັບແມ່ຍິງ ແລະ ເດັກຍິງ (25/11) ໂດຍສະຫະປະຊາຊາດປຸກລະດົມ. ວັນທີ 18/11, ຢູ່ຮ່າໂນ້ຍ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ໄດ້ສົມທົບກັບອົງການສະຫະປະຊາຊາດປະຈຳຫວຽດນາມ ພ້ອມກັບບັນດາກະຊວງ, ຂະແໜງການກ່ຽວງຂ້ອງ ເປີດບັ້ນເຄື່ອນໄຫວແຫ່ງຊາດ “ຈົ່ງກະທຳເພື່ອລົບລ້າງການໃຊ້ຄວາມຮຸ້ນແຮງສຳລັບແມ່ຍິງ ແລະ ເດັກ”. ກ່າວຄຳເຫັນທີ່ພິທີ, ທ່ານ ຮີນວິ້ງອ໋າຍ, ລັດຖະມົນຕີຊ່ວຍວ່າການ ກະຊວງວັດທະນະທຳ, ກິລາ ແລະ ທ່ອງທ່ຽວ ໃຫ້ຮູ້ວ່າ.
“ຫວຽດນາມ ແມ່ນໜຶ່ງໃນບັນດາປະເທດໃຫ້ສັດຕະຍາບັນສົນທິສັນຍາແຫ່ງຊາດກ່ຽວກັບການລົບລ້າງທຸກຮູບແບບຈຳແນກການປະພຶດສຳລັບແມ່ຍິງ. ພ້ອມທັງປະກາດໃຊ້ກົດໝາຍວ່າດ້ວຍຄວາມສະເໝີພາບລະຫວ່າງຍິງຊາຍ, ກົດໝາຍວ່າດ້ວຍການຕ້ານການໃຊ້ຄວາມຮຸ້ນແຮງໃນຄອບຄົວ, ກົດໝາຍວ່າດ້ວຍນານສະກັດກັ້ນ ແລະ ຕ້ານການຄ້າມະນຸດ. ໃນນັ້ນສຸມໃສ່ບັນດາມາດຕະການປົກປ້ອງແມ່ຍິງ ແລະ ເດັກນ້ອຍ. ອີກຄັ້ງໜຶ່ງ, ບັ້ນໂຄສະນາທາງສື່ມວນຊົນສະໜັບສະໜູນນວັນສາກົນລົບລ້າງການໃຊ້ຄວາມຮຸ້ນແຮງສຳລັບແມ່ຍິງປີ 2014 ໄດ້ຢືນຢັນບົດບາດສຳຄັນຂອງວຽກງານປະສານງານ, ການສົມທົບລະຫວ່າງບັນດາອົງການຈັດຕັ້ງຂຶ້ນກັບລັດຖະບານ, ບັນດາອົງການສະຫະປະຊາຊາດປະຈຳຫວຽດນາມ… ພ້ອມກັນຮ່ວມແຮງຮ່ວມໃຈເຄື່ອນໄຫວລົບລ້າງການໃຊ້ຄວາມຮຸ້ນແຮງສຳລັບແມ່ຍິງ ແລະ ປ້ອງກັນ, ຕ້ານການໃຊ້ຄວາມຮຸ້ນແຮງໃນຄອບຄົວ”.