ຫວຽດນາມ-ລາວຊຸກຍູ້ການເຄື່ອນໄຫວຮ່ວມມືລົງທຶນເສດຖະກິດ
ທ່ານ ຫງວຽນຈີ໋ຢູ້ງ ແລະ ທ່ານ ສົມສະຫວາດ ເລັ່ງສະຫວັດ
(ພາບ: Hoàng Chương/Vietnam+)
(vovworld) – ຕອນບ່າຍວັນທີ 26/5, ຢູ່ ນະຄອນຫຼວງ ວຽງຈັນ, ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ປະທານອະນຸກຳມະການຮ່ວມມື ລາວ - ຫວຽດນາມ ໄດ້ໃຫ້ການຕ້ອນຮັບທ່ານ ຫງວຽນຈີ໋ຢູ້ງ, ຮອງລັດຖະມົນຕີກະຊວງແຜນການ, ການລົງທຶນ ຫວຽດນາມ, ຮອງປະທານອະນຸກຳມະການຮ່ວມມື ຫວຽດນາມ - ລາວ, ທີ່ພວມຢ້ຽມຢາມ ແລະ ເຮັດວຽກຢູ່ ລາວ.
ທ່ານຮອງປະທານອະນຸກຳມະການຮ່ວມມື ຫວຽດນາມ - ລາວ ຫງວຽນຈີ໋ຢູ້ງ ສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ພັກ, ລັດ, ລັດຖະບານ ລາວ ໃນອຸບັດຕິເຫດເຮືອບິນການທະຫານຕົກທີ່ຜ່ານມາ, ພ້ອມທັງຂໍຂອບອົບຂອບໃຈລັດຖະບານ ລາວ ໄດ້ເອົາໃຈໃສ່ ແລະ ສ້າງເງື່ອນໄຂສະດວກແກ້ບັນດາຂໍ້ຕິດຂັດ ແລະ ຄວາມຫຍຸ້ງຍາກຢ່າງທັນການ, ເພື່ອໃຫ້ບັນດາວິສາຫະກິດ ຫວຽດນາມ ຜັນຂະຫຍາຍບັນດາໂຄງການລົງທຶນຢູ່ ລາວ ນັບມື້ນັບມີປະສິດທິຜົນ. ທ່ານ ຫງວຽນຈີ໋ຢູ້ງ ກໍ່ຂໍຂອບອົບຂອບໃຈລັດຖະບານ ລາວ ທີ່ໄດ້ເຫັນດີເຫັນພ້ອມຕໍ່ໃນເນື້ອໃນຖະແຫຼງການຮ່ວມ ສະຫະສະມາຄົມບັນດາປະເທດ ອາຊຽນ ສຳລັບບັນຫາທະເລຕາເວັນອອກ ແລະ ໃຫ້ຮູ້ວ່າ: ຫວຽດນາມ ພວມເດັດດຽວປະຕິບັດຈຸດໝາຍປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນດ້ວຍບັນດາມາດຕະການສັນຕິພາບ, ຖືກກັບກົດໝາຍສາກົນ.
ແລະກໍ່ໃນວັນດຽວກັນ, ທ່ານຮອງປະທານອະນຸກຳມະການຮ່ວມມື ຫວຽດນາມ - ລາວ ຫງວຽນຈີ໋ຢູ້ງ ໄດ້ມີການພົບປະກັບທ່ານ ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ.