ຫວຽດນາມ-ລາວເພີ່ມທະວີການຮັບມືກັບການຄ້າຂາຍຊັບພະຍາກອນທຳມະຊາດຢ່າງຜິດກົດໝາຍ
My Binh, ນັກຂ່າວVOV -
.jpg)
(ທີ່ການການໂອ້ລົມສົນທະນາ)
(vovworld) – ວັນທີ 7/4, ຢູ່ນະຄອນຫຼວງ ວຽງຈັນ, ປະເທດລາວ, ໄດ້ດຳເນີນການໂອ້ລົມສົນທະນາ ຫວຽດນາມ - ລາວ ກ່ຽວກັບເພີ່ມທະວີການຮັບມືກັບການຄ້າຂາຍຊັບພະຍາກອນທຳມະຊາດຢ່າງຜິດກົດໝາຍຜ່ານເຂດຊາຍແດນທາງບົກ. ການໂອ້ລົມສົນທະນານອນໃນຂອບເຂດລາຍການໂດຍອົງການປ້ອງກັນ, ຕ້ານຢາເສບຕິດ ແລະ ອາດຊະຍາກຳ ສປຊ (UNODC) ຈັດຕັ້ງ. ການໂອ້ລົມສົນທະນາດ້ວຍການເຂົ້າຮ່ວມຂອງຜູ້ຕາງໜ້າບັນດາກ່ຽວຂ້ອງ, ອົງການປະຕິບັດກົດໝາຍຂອງ ຫວຽດນາມ ແລະ ລາວ. ນີ້ແມ່ນບັນດາກຳລັງທີ່ໄດ້ສຸມໃສ່ໃນການຕໍ່ສູ້ປ້ອງກັນ, ຕ້ານອາດຊະຍາກຳເວົ້າລວມ ພິເສດແມ່ນການຄ້າເຖື່ອນຜ່ານເຂດຊາຍແດນ, ການຄ້າເຖື່ອນສັດປ່າ, ໄມ້ຫາຍາກທຸກຊະນິດຢູ່ເຂດຊາຍແດນ ຫວຽດນາມ - ລາວຢ່າງຂ້ຽວຂາດ.
ກ່າວຄຳເຫັນທີ່ການໂອ້ລົມສົນທະນາ, ທ່ານ ຫງວຽນຈ້ອງຕີ໋ນ, ຮອງຫົວໜ້າກົມຄຸ້ມຄອງຕະຫຼາດ, ກະຊວງອຸດສາຫະກຳ - ການຄ້າ, ໃຫ້ຮູ້ວ່າ:
“ການໂອ້ລົມສົນທະນາ ຫວຽດນາມ - ລາວ ກ່ຽວກັບເພີ່ມທະວີການຮັບມືກັບການຄ້າຂາຍຊັບພະຍາກອນທຳມະຊາດຢ່າງຜິດກົດໝາຍຜ່ານເຂດຊາຍແດນທາງບົດແມ່ນການເຄື່ອນໄຫວທີ່ມີຄວາມໝາຍແທດຈິງ ເພື່ອແນໃສ່ຊ່ວຍໃຫ້ຝ່າຍຕ່າງໆພ້ອມກັນກຳແໜ້ນ ແລະ ປຶກສາຫາລືບັນດາຂໍ້ກຳນົດທີ່ກ່ຽວຂ້ອງເຖິງການຄ້າຂາຍສັດປ່າພຶດ ແລະ ໄມ້ຢູ່ ລາວ ແລະ ຫວຽດນາມ. ນອກນັ້ນຍັງປຶກສາຫາລືກ່ຽວກັບບັນດາຄວາມຫຍຸ້ງຍາກ, ສິ່ງກີດຂວາງໃນການຄວບຄຸມຢູ່ເຂດຊາຍແດນ, ແລກປ່ຽນຂໍ້ມູນຂ່າວ, ວິຊາການສືບສວນຄົ້ນພົບ, ແກ້ໄຂການລະເມີດສຳລັບບັນດາການກະທຳຂົນສົ່ງສິນຄ້າທີ່ຖືກເກືອດຫ້າມ, ສິນຄ້າຂາຍເຖື່ອນຜ່ານເຂດຊາຍແດນຢ່າງຜິດກົດໝາຍ, ບັນດາຊ່ອງຫວ່າງເຊິ່ງເປົ້າໝາຍສວຍໂອກາດເພື່ອປະຕິບັດການກະທຳຂົນສົ່ງ, ຄ້າຂາຍສິນຄ້າຜ່ານເຂດຊາຍແດນຢ່າງຜິດກົດໝາຍ”
My Binh, ນັກຂ່າວVOV