ຫວຽດນາມຫລຸດຜ່ອນຫຼາຍລະບຽບການບໍລິຫານສວຍສາອາກອນ,ພາສີໃນປີນີ້
ທ່ານຮອງລັດຖະມົນຕີ ກະຊວງການເງິນ ໂດ໋ຮ່ວາງແອງຕ໋ວນ
(vovworld) – ຂະແໜງສວຍສາອາກອນ ແລະ ພາສີ ພວມມານະພະຍາຍາມປະຕິບັດບັນດາມາດຕະການເພື່ອຫລຸດຜ່ອນເວລາເຮັດລະບຽບການຕ່າງໆທີ່ບໍ່ຈຳເປັນ, ຫລຸດຜ່ອນໄລຍະເວລາເຮັດລະບຽບການສວຍສາອາກອນ, ພາສີ. ໃນປີນີ້, ຂະແໜງພາສີຈະມານະພະຍາຍາມຫລຸດຜ່ອນ 50% ເວລາເຮັດລະບຽບການສວຍສາອາກອນ. ນີ້ແມ່ນຄຳຢັ້ງຢືນຂອງທ່ານຮອງລັດຖະມົນຕີ ກະຊວງການເງິນ ໂດ໋ຮ່ວາງແອງຕ໋ວນ, ທີ່ການປະຊຸມຂ່າວ, ສະໜອງຂໍ້ມູນຂ່າວກ່ຽວກັບບັນດາມາດຕະການດ້ານສວຍສາອາກອນ, ພາສີເພື່ອແກ້ໄຂຄວາມຫຍຸ້ງຍາກໃຫ້ບັນດາວິສາຫະກິດ. ທ່ານຮອງລັດຖະມົນຕີ ໂດ໋ຮ່ວາງແອງຕ໋ວນ, ກໍ່ໃຫ້ຮູ້ວ່າ ນີ້ແມ່ນຄວາມຮຽກຮ້ອງຕ້ອງການອັນໃຫຍ່ຫຼວງ ແລະ ຈຳເປັນເພື່ອສ້າງເງື່ອນໄຂອຳນວຍຄວາມສະດວກໃຫ້ວິສາຫະກິດ, ຍົກສູງປະສິດທິຜົນການລົງທຶນ, ດຳເນີນທຸລະກິດ ແລະ ຄວາມສາມາດແກ່ງແຍ້ງຂອງພື້ນຖານເສດຖະກິດ:
“ຮອດທ້າຍປີນີ້, ພວກຂ້າພະເຈົ້າໄດ້ປັບປຸງບັນດານະໂຍບາຍ, ປະຕິບັດບັນດາມະຕິໃຫມ່ຂອງລັດຖະບານ ແລະ ປະຕິບັດເປັນພາບລວມສຸມໃນທົ່ວຂະແໜງເພື່ອຫລຸດຜ່ອນ 363 ຊົ່ວໂມງປະຕິບັດບັນດາລະບຽບການ. ບັນດານະໂຍບາຍບໍ່ເໝາະສົມກັບພຶດຕິກຳຕົວຈິງຂອງການພັດທະນາ ແລະ ທຳນຽມສາກົນແມ່ນຕ້ອງປ່ຽນໃໝ່. ພ້ອມກັບການນຳໃຊ້ເຕັກໂນໂລຢີຂໍ້ມູນຂ່າວສານ, ປະຕິບັດບັນດາມາດຕະການຢ່າງຄົບຊຸດ ແມ່ນຕ້ອງປະຕິບັດຈຸດໝາຍນີ້ຢ່າງມີປະສິດທິຜົນ”