(ພາບ: ອິນເຕີແນດ)
(vovworld) - ວັນທີ 19/4, ລັດຖະມົນຕີວ່າການກະຊວງກະສີກຳ ແລະ ພັດທະນາຊົນນະບົດຫວຽດນາມ ກາວດຶກຟາດ ໄດ້ເຂົ້າຮ່ວມວາລະໄຂເວທີປາໄສ “ການເຕີບໂຕຢູ່ອາຊີ“ ໃນຂອບເຂດເວທີປາໄສເສດຖະກິດໂລກ WEF ອາຊີຕາເວັນອອກ, ເຊິ່ງຈັດຕັ້ງຢູ່ອິນໂດເນເຊຍ. ກ່າວຄວາມເຫັນໄຂເວທີປາໄສ, ທ່ານລັດຖະມົນຕີວ່າການກະຊວງກະສີກຳ ແລະ ພັດທະນາຊົນນະບົດຫວຽດນາມ ກາວດຶກຟາດ ໄດ້ລາຍງານກ່ຽວກັບໝາກຜົນ 5 ປີແຫ່ງການປະຕິບັດຂໍ້ລິເລີ່ມ “ວິໄສທັດໃໝ່ໃນຂົງເຂດກະສີກຳ“ ເຊິ່ງຫວຽດນາມ ໄດ້ຜັນຂະຫຍາຍແຕ່ປີ 2010 ທີ່ເວທີປາໄສເສດຖະກິດອາຊີ, ເຊິ່ງຈັດຕັ້ງຢູ່ນະຄອນໂຮ່ຈີມິນ. ຂໍ້ລະເລີ່ມນີ້ບັນລຸໄດ້ບັນດາຜົນງານທີ່ດີ ແລະ ກາຍເປັນຮູບແບບສຳເລັດຜົນທີ່ສຸດໃນຂໍ້ລະເລີ່ມ “ວິໄສທັດໃໝ່ໃນຂົງເຂດກະສີກຳ“ ຂອງເວທີປາໄສເສດຖະກິດໂລກຢູ່ອາຊີ. ດ້ວຍຜົນງານເຫຼົ່ານັ້ນ,ຜະລິດຕະພັນກະເສດຫຼາຍປະເພດຂອງຫວຽດນາມໄດ້ມີໜ້າຢູ່ບັນດາຕະຫຼາດສາກົນ, ຜ່ານເຄືອຂ່າຍບັນດາບໍລິສັດນາໆຊາດ.
ແລະກໍ່ໃນວັນທີ 19/4, ທ່ານລັດຖະມົນຕີວ່າການກະຊວງກະສີກຳ ແລະ ພັດທະນາຊົນນະບົດ ກາວດຶກຟາດ ໄດ້ເປັນປະທານວາລະປຶກສາ ຫາລືຢູ່ເວທີປາໄສທີ່ສະຫງວນໃຫ້ແກ່ຫວຽດນາມ ກ່ຽວກັບຄູ່ນ່ວມມືພາກລັດ - ພາກເອກະຊົນໃນການພັດທະນາກະສີກຳແບບຍືນຍົງ. ທ່ານກໍ່ໄດ້ລາຍງານບົດຮຽນຂອງຫວຽດນາມ ໃນການຜັນຂະຫຍາຍຄູ່ຮ່ວມມືພາກລັດ - ພາກເອກະຊົນໃນຂົງເຂດກະສີ ໄລຍະ 5 ປີຜ່ານມາ.