(vovworld) - ສະຖານທູດຫວຽດນາມ ປະຈຳອາກຊັງຕິນ ໄດ້ເປັນເຈົ້າພາບພິທີສະເຫຼີມສະຫຼອງ 49 ປີແຫ່ງວັນສ້າງຕັ້ງສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຢູ່ນະຄອນຫຼວງ Buenos Aires ໃນວັນທີ 08/08, ດ້ວຍການເຂົ້າຮ່ວມຂ້ອງແຂກຖືກເຊີນກວ່າ 300 ທ່ານ, ເຊິ່ງລວມມີຜູ້ຕາງນ້າລັດຖະບານ, ສະພາແຫ່ງຊາດອາກຊັງຕິນ ແລະ ຄະນະທູຕານຸທູດ. ຕາງໜ້າໃຫ້ບັນດາເອກອັກຄະລັດຖະທູດອາຊຽນ, ທ່ານເອກອັກຄະລັດຖະທູດຫວຽດນາມ ຫງວຽນດິ່ງທາວ ກ່າວຄຳເຫັນເນັ້ນໜັກວ່າ, ດ້ວຍການສ້າງຕັ້ງປະຊາຄົມເສດຖະກິດອາຊຽນ, ແຕ່ຕົ້ນປີ 2016, ອາຊຽນ ພວມມີຕະຫຼາດເສດຖະກິດດ້ວຍພົນລະເມືອງເກືອບ 630 ຄົນ, ຍອດ GDP ຄາດວ່າບັນລຸກວ່າ 2.600 ຕື້ USD ແລະ ແມ່ນເຂດເສດຖະກິດທີ່ຂະຫຍັນຂັນເຄື່ອນອັນດັບໜຶ່ງໃນໂລກ. ທ່ານເອກອັກຄະລັດຖະທູດ ຫງວຽນດິ່ງທາວ ຢືນຢັນແຜນນະໂຍບາຍຂອງອາຊຽນ ແມ່ນເປີດກວ້າງການພົວພັນກັບທຸກໆຄູ່ຮ່ວມມືສາກົນ, ເພື່ອສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຢູ່ພາກພື້ນ ແລະ ໃນໂລກ. ຍາມໃດອາຊຽນ ກໍ່ປາດຖະໜາຢາກຊຸກຍູ້ການພົວພັນຮ່ວມມືກັບບັນດາປະເທດຢູ່ພາກພື້ນອາເມລິກາໃຕ້, ພິເສດແມ່ນອາກຊັງຕິນ, ເຊິ່ງແມ່ນປະເທດມີອິດທິພົນຊື່ສຽງ, ມີຜົນສະທ້ອນຢູ່ພາກພື້ນອາເມລິກາລາຕິງ.