ພາບປະກອບ
|
(vovword)- ວັນທີ 20/2, ຢູ່ຮ່າໂນ້ຍ ໂຮງໝໍແບັກມາຍ ໄດ້ຈັດຕັ້ງກອງປະຊຸມສຳມະນາສາກົນກ່ຽວກັບການແພດນິວເຄຼຍໃນການບົ່ງມະຕິ ແລະ ປິ່ນປົວພະຍາດ. ກອງປະຊຸມສຳມະນາ ມີການເຂົ້າຮ່ວມຂອງບັນດາຜູ້ແທນ ສະຖາບັນພະລັງງານປະລະມານູຫວຽດນາມ, ກົມປ້ອງກັນຄວາມປອດໄພລັງສີ(ກະຊວງວິທະຍາສາດ ແລະ ເຕັກໂນໂລຊີ), ຄະນະກຳມະການພະລັງງານປະລາມະນູສາກົນ IAEA, ຄະນະກຳມະການພະລັງງານປະລະມານູຫວຽດນາມ; ຫ້ອງການຮ່ວມມືເຂດອົງການພະລັງງານປະລະມານູສາກົນ ( ACARO), ໂຮງໝໍແບັກມາຍ, ສູນການແພດນິວເຄຼຍ ແລະ ຄໍໜຽງໂຮງໝໍແບັກມາຍ ພ້ອມກັບຜູ້ຕາງໜ້າຂອງ 17 ປະເທດຂຶ້ນກັບພາກພື້ນອາຊີປາຊີຟິກ.
ກ່າວຄຳເຫັນທີ່ກອງປະຊຸມສຳມະນາ, ທ່ານຮອງສາສະດາຈານ,ປອ ຫວງຽນກວ໋ກແອງ, ຜູ້ອຳນວຍການໂຮງໝໍແບັກມາຍ, ໃຫ້ຮູ້ວ່າ ໂຄງການຮ່ວມມືລະຫວ່າງໂຮງໝໍແບັກມາຍ ແລະ ອົງການພະລັງງານປະລະມານູສາກົນ IAEA ໄດ້ຜັນຂະຫຍາຍມາເປັນເວລາຫຼາຍປີແລ້ວ. ໃນນັ້ນ ໂຄງການຮ່ວມມືດ້ານເຕັກນິກ IAEA TC RAS/06/083 ດ້ວຍໜ້າທີ່ແມ່ນຍົກສູງຄວາມຮັບຮູ້ກ່ຽວກັບບັນດາວິວັດທະນາການດ້ານການແພດນິວເຄຼຍຜ່ານອິນເຕີແນັດ ເພື່ອໃຫ້ນັກຊ່ຽວຊານປະກອບຄຳເຫັນ, ຍົກສູງຄຸນນະພາບເບິ່ງແຍງດູແລຄົນເຈັບ ແລະ ກຳລັງຄວາມສາມາດຂອງບັນດາອົງການລັດຖະບານ ໃນໂຄງການຮ່ວມມືການແພດນິວເຄຼຍເຂດ (RCA). ໃນນັ້ນຍົກສູງໄດ້ກຳລັງຄວາມສາມາດ ດ້ານສາ
ທາລະນະສຸກ ພິເສດແມ່ນບັນດາພະຍາດທີ່ບໍ່ສາມາດຕິດແປດ ເຊັ່ນ: ມະເຮັງ, ພະຍາດຫົວໃຈ, ຄົນເຈັບແມ່ນເປົ້າໝາຍໄດ້ຊົມໃຊ້ຜົນປະໂຫຍດສູງສຸດຈາກໂຄງການ
ດັ່ງກ່າວ.