ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດ
ຕ້ອນຮັບທ່ານ ກົວແຊວກວນ, ລັດຖະມົນຕີກະຊວງຕຳຫລວດຈີນ
http://mod.gov.vn
|
(vovworld)- ຕອນບ່າຍວັນທີ 26/9 ຢູ່ ຮ່າໂນ້ຍ, ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບທ່ານ ກົວແຊວກວນ, ລັດຖະມົນຕີກະຊວງຕຳຫລວດຈີນ ເນື່ອງໃນໂອກາດ ມາຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານ ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດ ໄດ້ຢືນຢັນວ່າ: ກະຊວງປ້ອງກັນປະເທດຫວຽດນາມ ມີຄວາມເອົາໃຈໃສ່ທີ່ສຸດເຖິງການເພີ່ມທະວີ, ຮັກສາສາຍພົວພັນຖານບ້ານໃກ້ເຮືອນຄຽງ, ມິດຕະພາບ, ການຮ່ວມມື ແລະ ພັດທະນາ, ເປັນຕົ້ນແມ່ນການພົວພັນ, ຮ່ວມມືລະຫວ່າງກຳລັງປ້ອງກັນຊາຍແດນ ແລະ ຕຳຫລວດທະເລຂອງສອງປະເທດ. ສອງຝ່າຍຄວນຊຸກຍູ້, ສົມທົບກັນໃນການລາດຕາເວັນຮ່ວມບົນທະເລ, ທາງບົກ, ເພີ່ມທະວີການພົວພັນແລກປ່ຽນມິດຕະພາບລະຫວ່າງກຳລັງປ້ອງກັນຊາຍແດນລະຫວ່າງສອງປະເທດ, ຈັດຕັ້ງບັນດາການເຄື່ອນໄຫວພົວພັນມິດຕະພາບກຳລັງປ້ອງກັນຊາດ ປ້ອງກັນຊາຍແດນ ລະຫວ່າງຫວຽດນາມ ແລະ ຈີນ ປະຈຳປີນັບມື້ນັບແທດຈິງ ແລະ ມີປະສິດທິຜົນ. ທີ່ການຕ້ອນຮັບ, ສອງຝ່າຍເຫັນດີ ໃນໄລຍະຈະມາເຖິງ, ກຳລັງປ້ອງກັນຊາຍແດນ, ຕຳຫລວດທະເລສອງປະເທດສືບຕໍ່ເພີ່ມທະວີການສົມທົບຕໍ່ສູ້ບັນດາອາດຊະຍາກຳຢ່າງມີປະສິດທິຜົນຄື: ຂ້າມຊາຍແດນ, ຄ້າຂາຍຢາເສບຕິດ, ອາວຸດ ແລະ ການຄ້າມະນຸດຜ່ານຊາຍແດນ, ພ້ອມທັງແບ່ງປັນບົດຮຽນເຂົ້າຮ່ວມການຮັກສາສັນຕິພາບຂອງ ສປຊ.