ທ່ານ ຫງວຽນວັນບີ່ງ ຕ້ອນຮັບທ່ານ ທອງວັນ ວິໄລເຮືອງ
(ພາບອິນເຕີແນັດ)
(vovworld) - ຕອນບ່າຍວັນທີ 14/11 ຢູ່ ຮ່າໂນ້ຍ ທ່ານ ຫງວຽນວັນບີ່ງ ຫົວໜ້າຄະນະເສດຖະກິດສູນກາງ ໃຫ້ການຕ້ອນຮັບຄະນະຜູ້ແທນຄະນະພັດທະນາຊົນນະບົດ ແລະ ລົບລ້າງຄວາມທຸກຍາກສູນກາງ ລາວ ໂດຍທ່ານ ທອງວັນ ວິໄລເຮືອງ ຮອງຫົວໜ້າຄະນະປະຈຳການເປັນຫົວໜ້າຄະນະມາຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານ ຫງວຽນວັນບີ່ງ ສະແດງຄວາມພາກພູມໃຈຕໍ່ການພົວພັນສາມັກຄີແບບພິເສດ ຫວຽດນາມ - ລາວ ທີ່ນັບມື້ນັບພັດທະນາເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ ໃນທຸກຂົງເຂດ ພິເສດແມ່ນຂົງເຂດກະສິກຳ. ທ່ານ ຫງວຽນວັນບີງ ຢືນຢັນວ່າ: ພັກ, ລັດ ແລະ ປະຊາຊົນ ຫວຽດນາມ ຈະພ້ອມກັບ ພັກ, ລັດ ແລະ ປະຊາຊົນ ລາວ ຮັກສາ, ເພີ່ມພູນຄູນສ້າງໃຫ້ການພົວພັນມິດຕະພາບທີ່ເປັນມູນເຊື້ອ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ ນັບມື້ນັບພັດທະນາ.