ຄະນະຜູ້ແທນກະຊວງປ້ອງກັນປະເທດຫວຽດນາມເຈລະຈາກັບຄະນະຜູ້ແທນກະຊວງປ້ອງກັນປະເທດ ອິດສະລາແອນ
ພາບ:qdnd.vn
|
(vovworld) – ວັນທີ 2/3, ຢູ່ຮ່າໂນ້ຍ, ຄະນະຜູ້ແທນກະຊວງປ້ອງກັນປະເທດຫວຽດນາມ ໂດຍທ່ານພົນໂທ ຫງວຽນຈີ໋ວີ້ງ, ລັດຖະມົນຕີຊ່ວຍວ່າການກະຊວງປ້ອງກັນປະເທດຫວຽດນາມ ເປັນຫົວໜ້າຄະນະ ໄດ້ມີການເຈລະຈາກັບຄະນະຜູ້ແທນກະຊວງປ້ອງກັນປະເທດ ອິດສະລາແອນ ໂດຍທ່ານ Dan Harel, ຫົວໜ້າກົມປ້ອງກັນປະເທດ ອິດສະລາແອນ ເປັນຫົວໜ້າຄະນະເນື່ອງໃນໂອກາດຄະນະມາຢ້ຽມຢາມ ແລະ ເຮັດວຽກຢູ່ຫວຽດນາມ. 2 ຝ່າຍໄດ້ແລກປ່ຽນບາງບັນຫາກ່ຽວກັບການປ້ອງກັນຄວາມສະຫງົບໂລກ ແລະ ພາກພື້ນ ເຊິ່ງຕ່າງຝ່າຍຕ່າງມີຄວາມສົນໃຈ; ປຶກສາຫາລືບັນດາເນື້ອໃນ, ມາດຕະການ ເພື່ອແນໃສ່ຊຸກຍູ້ການພົວພັນຮ່ວມມືປ້ອງກັນຊາດ 2 ຝ່າຍນັບມື້ນັບເຂົ້າສູ່ລວງເລິກ ແລະ ມີປະສິດທິຜົນ. ພາຍຫຼັງການເຈລະຈາ, 2 ຝ່າຍໄດ້ລົງນາມໃນບົດບັນທຶກຊ່ວຍຈຳ ກ່ຽວກັບການຮ່ວມມືປ້ອງກັນຊາດ 2 ຝ່າຍ ຫວຽດນາມ- ອິດສະລາແອນ.