ຈີນ ກໍ່ສ້າງເກາະທຽມຢ່າງຜິດກົດໝາຍຢູ່ທະເລຕາເວັນອອກ
(vovworld) – ວັນທີ 25/7, ຢູ່ນອກກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 49 (AMM 49) ຢູ່ວຽງຈັນ, ປະເທດລາວ, ທ່ານລັດຖະມົນຕີການຕ່າງປະເທດ ຍີ່ປຸ່ນ Fumio Kishida ມີການເຈລະຈາກັບຄູ່ຕຳແໜ່ງ ຈີນ ວາງອີ, ໃນນັ້ນຮຽກຮ້ອງໃຫ້ ປັກກິງ ຍອມຮັບຄຳຕັດສິນຂອງສານອະນຸຍາໂຕຕຸລາການ ຢູ່ ລາໄຮ (ປະເທດ ໂຮນລັງ) ກ່ຽວກັບກໍລະນີຮ້ອງຟ້ອງຈີນ ຂອງ ຟີລິບປິນ ກ່ຽວກັບການຂັດແຍ້ງກັນຢູ່ທະເລຕາເວັນອອກ. ທ່ານລັດຖະມົນຕີການຕ່າງປະເທດ Kishida ເລັ່ງລັດ ຈີນ ປະຕິບັດຄຳຕັດສິນຂອງສານອະນຸຍາໂຕຕຸລາການ, ໃນນັ້ນປະຕິເສດບັນດາຄຳຮຽກສິດຂອງ ປັກກິ່ງ ກ່ຽວກັບ “ສິດປະຫວັດສາດ” ແລະ “ເສັ້ນ 9 ຕອນ” ຢູ່ທະເລຕາເວັນອອກ, ຖືນີ້ແມ່ນຄຳຕັດສິນສຸດທ້າຍມີລັກສະນະຜູກຮັດດ້ານນິຕິທຳ.
ແລະກໍ່ໃນວັນດຽວກັນ, ຢູ່ນອກ AMM 49 ແລະ ບັນດາກອງປະຊຸມກ່ຽວຂ້ອງ, ທ່ານລັດຖະມົນຕີການຕ່າງປະເທດ ຍີ່ປຸ່ນ Kishida, ທ່ານລັດຖະມົນຕີການຕ່າງປະເທດ ອາເມລິກາ John Kerry ແລະ ທ່ານລັດຖະມົນຕີ ອົດສະຕາລີ Julie Bishop, ໂຮມປະຊຸມເພື່ອປຶກສາຫາລືກ່ຽວກັບຄວາມສຳຄັນຂອງການແກ້ໄຂບັນດາຄວາມຂັດແຍ້ງໂດຍສັນຕິວິທີ ແລະ ຕາມກົດໝາຍສາກົນ.
ວັນທີ 25/7, ໃນແຈ້ງການຝາກເຖິງສະຖານທູດ ຫວຽດນາມ ປະຈຳ ເມກຊີໂກ, ທ່ານ Felix Castellanos Hernandez, ປະທານສະຖາບັນມິດຕະພາບ ແລະ ຮ່ວມມືເມກຊີໂກ - ຫວຽດນາມ ສະແດງການສະໜັບສະໜູນຕໍ່ຄຳຕັດສິນຂອງສານອະນຸຍາໂຕຕຸລາການ ໄດ້ຍົກອອກມາໃນວັນທີ 12/7, ຜ່ານມາ ກ່ຽວກັບກໍລະນີຮ້ອງຟ້ອງຈີນ ຂອງ ຟີລິບປິນ.