ກ່າວຄຳເຫັນທີ່ງານລ້ຽງ, ທ່ານນາງ Katie White, ມີຄວາມເຊື່ອໝັ້ນວ່າ ເລື່ອງຫວຽດນາມ ເປັນເຈົ້າພາບຈັດກອງປະຊຸມຂັ້ນສູງເວທີປາໄສຮ່ວມມືເສດຖະກິດ ອາຊີ ປາຊີຟິກ (APEC) ໃນລະດູໃບໄມ້ຫລົ່ນປີນີ້ ຈະແມ່ນກາລະໂອກາດເພື່ອແນະນຳກັບໂລກກ່ຽວກັບຄວາມສາມາດບົ່ມຊ້ອນດ້ານເສດຖະກິດໃຫຍ່ຫລວງຂອງຫວຽດນາມ. ທ່ານນາງ Katie White  ກໍ່ໄດ້ຢ້ຳຄືນເລື່ອງ ອັງກິດ ແລະ ຫວຽດນາມ ໄດ້ກ້າວເຂົ້າສູ່ປີ ທີ 7 ຂອງການພົວພັນຄູ່ຮ່ວມມືຍຸດທະສາດ ດ້ວຍບັນດາຜົນງານຮ່ວມມືສຳຄັນໃນຫລາຍຂົງເຂດ. ພິເສດ ທ່ານນາງ ຖືວ່າ ການພົວພັນດ້ານການຄ້າ ແລະ ການລົງທຶນ ລະຫວ່າງສອງປະເທດ ຈະພັດທະນາຢ່າງແຮງກວ່າໃນໄລຍະຈະມາເຖິງ ເມື່ອສັນຍາການຄ້າເສລີ ລະຫວ່າງ EU- ຫວຽດນາມ ມີຜົນສັກສິດ. ທ່ານນາງ Katie White, ເນັ້ນຫນັກຄືນ ຄຳໝັ້ນສັນຍາຂອງລັດຖະບານ ອັງກິດ ກ່ຽວກັບເລື່ອງຊຸກຍູ້ຂໍ້ຕົກລົງດ້ານການຄ້າສອງຝ່າຍ ກັບຫວຽດນາມ ພາຍຫລັງ ອັງກິດ ຖອນອອກຈາກ EU, ຜ່ານເລື່ອງທ່ານນາງ ນາຍົກລັດຖະມົນຕີອັງກິດ  Theresa May ຫາກໍ່ແຕ່ງຕັ້ງສະມາຊິກສະພາສູງ Ed Vazey ເປັນທູດພິເສດດ້ານການຄ້າກັບຫວຽດນາມ.