ອັດກອງປະຊຸມຂະແໜງ ສານ 3 ປະເທດ ຫວຽດນາມ-ລາວ-ກຳປູເຈຍ
ທ່ານເຈືອງຮ່ວາບິ່ງກ່າວຄຳເຫັນທີ່ກອງປະຊຸມ
(ພາບ: vov )
(vovworld)- ກອງປະຊຸມຂະແໜງສານ 3 ປະເທດ ຫວຽດນາມ-ລາວ-ກຳປູເຈຍ ລະຫວ່າງບັນດາແຂວງມີເສັ້ນຊາຍແດນຮ່ວມກັນໄດ້ອັດລົງໃນວັນທີ 26/12 ພາຍຫຼັງດຳເນີນໄປເປັນເວລາ 2 ວັນ ແລະ ອອກຖະແຫຼງການຮ່ວມວຽງຈັນກ່ຽວກັບການປ້ອງກັນ, ຕ້ານ ແລະ ສະກັດກັ້ນອາດຊະຍາກຳຂ້າມຊາດ.
ບັນດາຜູ້ແທນໄດ້ວິເຄາະຂໍ້ສະດວກ, ຄວາມຫຍຸ້ງຍາກ ແລະ ມາດຕະການແກ້ໄຂ ເພື່ອປະຕິບັດບັນດາແຈ້ງການລວມຂອງກອງປະຊຸມຄັ້ງກ່ອນຢ່າງມີປະສິດທິຜົນ. ກ່າວຄຳເຫັນນະທີ່ນີ້, ທ່ານເຈືອງຮ່ວາບິ່ງ ປະທານສານ ປຊຊ ສູງສຸດຫວຽດນາມ ເນັ້ນໜັກວ່າ:
“ອາດຊະຍາກຳຂ້າມຊາຍແດນມີການຈັດຕັ້ງປະເພດຕ່າງໆພວມມີການຜັນແປໄປຢ່າງສັບສົນ ແລະ ຜິດປົກກະຕິ, ຍາກທີ່ຈະຄາດຄະເນໄດ້ ພ້ອມທັງປະກົດຕົວອາດຊະຍາກຳໃໝ່ຫຼາຍປະເພດ. ອາດຊະຍາກຳໃໝ່ເຮັດໃຫ້ສະພາບການນັບມື້ນັບສັບສົນຂຶ້ນຕື່ມ. ໃນສະພາບການນັ້ນ, ການຮ່ວມມືລະຫວ່າງຂະແໜງສານບັນດາປະເທດໃນໂລກນັບມື້ນັບມີທີ່ຕັ້ງ ແລະ ບົດບາດສຳຄັນ“.
ເນື່ອງໃນໂອກາດນີ້, ຕອນບ່າຍຂອງວັນທີ 26/12, ທ່ານເລຂາທິການໃຫ່ຍ, ປະທານປະເທດລາວ ຈູມມາລີ ໄຊຍະສອນ ໄດ້ໃຫ້ການຕ້ອນຮັບ ທ່ານເຈືອງຮ່ວາບິ່ງ ປະທານສານ ປຊຊ ສູງສຸດຫວຽດນາມ. ນະທີ່ນີ້, ທ່ານເລຂາທິການໃຫ່ຍ, ປະທານປະເທດລາວ ຈູມມາລີ ໄຊຍະສອນສະແດງຄວາມປາດຖະໜາ ຢາກໃຫ້ສອງຝ່າຍຊຸກຍູ້ການຮ່ວມມືຮອບດ້ານ, ໂດຍສະເພາະແມ່ນຂະແໜງສານຫວຽດນາມໃຫ້ການຊ່ວຍຂະແໜງສານລາວມີແຫຼ່ງຊັບພະຍາກອນມະນຸດເພື່ອຮັບໃຊ້ປະເທດຊາດ ໃນວິວັດການເຊື່ອມໂຍງເຂົ້າກັບສາກົນ, ປະກອບສ່ວນເພີ່ມພູນຄູນສ້າງສາຍພົວພັນພິເສດລະຫວ່າງສອງປະເທດ./.