 |
(vovworld) – ວັນທີ 27/2, ກອງປະຊຸມວົງແຄບລັດຖະມົນຕີວ່າການກະຊວງການຕ່າງປະເທດ ອາຊຽນ ປີ 2016 ໄດ້ອັດລົງຢູ່ນະຄອນຫຼວງ ວຽງຈັນ. ນີ້ແມ່ນກອງປະຊຸມ ອາຊຽນ ຄັ້ງທຳອິດໃນປີປະທານ ອາຊຽນ 2016 ຂອງ ລາວ ແລະ ກໍແມ່ນກອງປະຊຸມທຳອິດຂອງ ອາຊຽນ ພາຍຫຼັງ ອາຊຽນ ສ້າງຕັ້ງປະຊາຄົມໃນວັນທີ 31/12/2015 ແລະ ຮັບຮອງເອົາວິໄສທັດ ອາຊຽນ 2025, ເພື່ອແນໃສ່ກຳນົດທິດໃຫ້ແກ່ການຮ່ວມມື ອາຊຽນ ໃນປີ 2016, ນຳ ອາຊຽນ ກ້າວເຂົ້າສູ່ໄລຍະເຊື່ອມຈອດໃໝ່ຢ່າງເລິກເຊິ່ງ, ກ້ວາງຂວາງກ່ວາ. ບັນດາປະເທດເຫັນດີເປັນເອກະສັນຈະສຸມໃສ່ຊຸກຍູ້ການຮ່ວມມື ແລະ ເຊື່ອມຕໍ່ ອາຊຽນ ໃນທັງ 3 ເສົາຄຳ້ດ້ວຍບັນດາໝາກຜົນແທດຈິງ ແລະ ລະອຽດ, ປັບປຸງຄວາມສາມັກຄີ, ເປັນເອກະພາບຂອງ ອາຊຽນ, ເສີມຂະຫຍາຍບົດບາດໃຈກາງຂອງ ອາຊຽນໃນການຮັກສາສັນຕິພາບ, ຄວາມໝັ້ນຄົງໃນພາກພື້ນ, ຍູ້ແຮງການໂອ້ລົມສົນທະນາ, ຮ່ວມມື, ເພີ່ມທະວີຄວາມໄວ້ເນື້ອເຊື່ອໃຈ… ກ່ຽວຂ້ອງເຖິງການພົວພັນຄູ່ເຈລະຈາ, ບັນດາປະເທດເຫັນດີເປັນເອກະສັນຄວນສືບຕໍ່ຊຸກຍູ້ການພົວພັນລະຫວ່າງ ອາຊຽນ ກັບບັນດາຄູ່ຮ່ວມມືຢ່າງແທດຈິງ, ສົ່ງເສີມບັນດາຄູ່ຮ່ວມມືເຂົ້າຮ່ວມ, ປະກອບສ່ວນສ້າງບັນດາບັນຫາທີ່ມີຄວາມຄວາມສົນໃຈ ແລະ ຜົນປະໂຫຍດລວມຢູ່ພາກພື້ນ ກໍ່ຄືສືບຕໍ່ໜູນຊ່ວຍໃຫ້ວິວັດທະນາການສ້າງປະຊາຄົມ ອາຊຽນ. ບັນດາລັດຖະມົນຕີ ໄດ້ແລກປ່ຽນຫຼາຍບັນຫາທີ່ຕ່າງຝ່າຍຕ່າງມີຄວາມສົນໃຈຄື: ສະພາບການ ສປປ ເກົາຫຼີ, ທະເລຕາເວັນອອກ, ບັນດາການທ້າທາຍບໍ່ມີເຄີຍມາກ່ອນຄື: ກໍ່ການຮ້າຍ, ຄວາມ ປອດໄພທາງເຄືອຂ່າຍອິນເຕີເນັດ…