ອັດວາລະປະຊຸມຄັ້ງທີ 31 ຂອງຄະນະປະຈຳ ສະພາແຫ່ງຊາດ
(ພາບ: vov)
(vovworld)- ພາຍຫຼັງດຳເນີນການເຮັດວຽກມາເປັນເວລາ 10 ວັນ, ໂດຍພາຍໃຕ້ການເປັນປະທານຂອງທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ, ວາລະປະຊຸມຄັ້ງທີ 31 ຄະນະປະຈຳສະພາແຫ່ງຊາດໄດ້ອັດລົງໃນຕອນເຊົ້າວັນທີ 2/10. ກ່ອນໜ້ານັ້ນ, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງກົດໝາຍ 9 ສະບັບ; ບັນດາບົດລາຍງານການປະຕິບັດງານຂອງຫົວໜ້າສານ ປຊຊ ສູງສຸດ, ຫົວໜ້າອົງການໄອຍະການ ປຊຊ ສູງສຸດ, ບັນດາບົດລາຍງານຂອງລັດຖະບານກ່ຽວກັບການປ້ອງກັນ, ຕ້ານອາດຊະຍາກຳ, ລະເມີດກົດໝາຍ, ວຽກງານປ້ອງກັນຕ້ານການສໍ້ລາດບັງຫຼວງ ປີ 2014, ບົດລາຍງານໝາກຜົນການຕິດຕາມກວດກາການປະຕິບັດການສ້າງໂຄງປະກອບເສດຖະກິດຄືນໃໝ່ໃນຂົງເຂດການລົງທຶນ, ລັດວິສາຫະກິດ ແລະ ລະບົບທະນາຄານ… ຄະນະປະຈຳສະພາແຫ່ງຊາດ ໄດ້ຈັດວາລະຊັກຖາມ ແລະ ຕອບຄຳຊັກຖາມທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມຫງວຽນມິງກວາງ ແລະ ທ່ານຜູ້ວ່າການທະນາຄານແຫ່ງລັດຫງວຽນວັນບິ່ງ.
ເມື່ອໃຫ້ຄຳເຫັນໃສ່ຮ່າງກົດໝາຍວ່າດ້ວຍງົບປະມານແຫ່ງລັດ (ສະບັບປັບປຸງ), ບັນດາຜູ້ແທນສະເໜີສືບຕໍ່ກວດກາ, ເພີ່ມເຕີມບັນດາຂໍ້ກຳນົດ, ເຮັດແຈ້ງງົບປະມານແຫ່ງລັດແມ່ນເອກະພາບ, ໄດ້ແບ່ງຂັ້ນຄຸ້ມຄອງ ແລະ ຮັບປະກັນບົດບາດຕົ້ນຕໍຂອງງົບປະມານສູນກາງ; ເພີ່ມທະວີບັນດາຂໍ້ກຳນົດກ່ຽວກັບການຍົກສູງລະບຽບການໃຊ້ຈາຍ, ເປີດເຜີຍ, ຈະແຈ້ງມີຄວາມຮັບຜິດຊອບອະພິປາຍໃນການຄຸ້ມຄອງ, ນຳໃຊ້ງົບປະມານ. ທ່ານຟານຈູງລີ, ປະທານກຳມາທິການກົດໝາຍ ປະກອບຄຳເຫັນວ່າ:
“ຂ້າພະເຈົ້າສະເໜີໃນການປັບປຸງກົດໝາຍຄັ້ງນີ້ຕ້ອງແກ້ໄຂບັນດາສິ່ງທີ່ຍັງຄົງຄ້້າງໃນປະຈຸບັນໃນການສ້າງ, ຄຸ້ມຄອງງົບປະມານໃຫ້ໄດ້. ເຮັດແນວໃດໃຫ້ງົບປະມານແຫ່ງລັດໄດ້ຖືກສ້າງຂຶ້ນກໍ່ຄືການຄຸ້ມຄອງນຳໃຊ້ແບບລວມສູນ, ເອກະພາບ, ເປີດເຜີຍ, ຈະແຈ້ງ, ມີປະສິດທິຜົນ“./.