(ພາບປະກອບ)
(vovworld) – ວັນທີ 28/07, ເຈົ້າໜ້າທີ່ອິສຣາແອນ ທ່ານໜຶ່ງໃຫ້ຮູ້ວ່າ ປະເທດນີ້ເລີ່ມປະຕິບັດນະໂຍບາຍ “ຢຸດຍິງໂດຍບໍ່ກຳນົດເວລາ” ຢູ່ເຂດກາຊາ, ພາຍຫຼັງການປະທະກັນຢ່າງຮຸນແຮງ ແລະ ສາກົນເພີ່ມຄວາມດັນເພື່ອຢຸດຕິບັນດາການເຄື່ອນໄຫວເປັນປໍລະປັກລະຫວ່າງອິດສຣາແອນ ແລະ ກຳລັງຮາມາດ ຢູ່ເຂດດິນແດນນີ້. ຕາມເຈົ້າໜ້າທີ່ດັ່ງກ່າວ, ນະໂຍບາຍນີ້ໝາຍຄວາມວ່າ ພົນທະຫານອິດສຣາແອນ ຈະຢຸດຕິບັນດາການບຸກໂຈມຕີມີຈຸດປະສົງຢູ່ເຂດກາຊາ ແລະ ຈະໂຕ້ຕອບໃນກໍລະນີບັນດາມືປືນຢູ່ເຂດກາຊາ ຍິງປືນກ່ອນ. ປະຈຸບັນ, ຫ້ອງການນາຍົກລັດຖະມົນຕີອິດສຣາແອນ ບໍ່ທັນມີຂໍ້ວິຈານໃດໆກ່ຽວກັບຂໍ້ມູນດັ່ງກ່າວ, ແຕ່ວ່າ, ຕາມບັນດາແຫຼ່ງຂ່າວທ້ອງຖ່ິນ, ກອງທັບອິດສຣາແອນ ເບິ່ງຄືວ່າໄດ້ຢຸດຕິການບຸກໂຈມຕີທາງບົກ ແລະ ທາງອາກາດ, ແຕ່ຈະສືບຕໍ່ທຳລາຍບັນດາເສັ້ນທາງໃຕ້ດິນຂ້າມຊາຍແດນຂອງ ຮາມາດ.