(vovworld) - ສະຫະພາບເອີລົບ (ອີຢູ) ໄດ້ສະແດງໃຫ້ເຫັນຫຼັກໝັ້ນຢ່າງແຮງເມື່ອບັນດາການເຈລະຈາກ່ຽວກັບ Brexit (ອັງກິດຖອນອອກຈາກອີຢູ) ພວມຫຍັບໃກ້ເຂົ້າມາ, ໂດຍສະເພາະແມ່ນບັນດາບັນຫາກ່ຽວກັບສິດຂອງພົນລະເມືອງ ແລະ ອະນາຄົດຂອງບັນດາການບໍລິການການເງິນ. ເມື່ອໃນຮ່າງມະຕິ “ທິດທາງກ້າວໄປເຖິງການເຈລະຈາ” ເຊິ່ງທ່ານປະທານສະພາເອີລົບ ສະເໜີຢ່າງຈະແຈ້ງວ່າ ອີຢູ ຖືເປັນສຳຄັນການປົກປ້ອງສິດຜົນປະໂຫຍດຂອງພົນລະເມືອງເອີລົບ ຢູ່ອັງກິດ (ແລະກົງກັນຂ້າມສຳລັບພົນລະເມືອງອັງກິດ ຢູ່ອີຢູ) ແມ່ນໜຶ່ງໃນ 3 ບຸລິມະສິດແຖວໜ້າຂອງບັນດາການເຈລະຈາ, ພ້ອມທັງຈະຊອກຫາທຸກວິທີເພື່ອຮັບປະກັນ “ສິດໄດ້ນຳໃຊ້ຂໍ້ກຳນົດຢູ່ອາໄສເປັນປະຈຳ” ໃຫ້ບັນດາຜູ້ທີ່ພວມດຳລົງຊີວິດຢ່າງຖືກຕາມກົດໝາຍໃນໄລຍະ 5 ປີໃນເຂດດິນແດນຂອງອັງກິດ. ອີຢູ ຢືນຢັນວ່າ, ບໍ່ວ່າຂໍ້ຕົກລົງດ້ານການຄ້າເສລີໃດໆທີ່ອະນຸຍາດໃຫ້ລອນດອນ, ສູນກາງຄ້າແຖວໜ້າຂອງເອີລົບ, ສືບຕໍ່ໄດ້ສຳພັດກັບບັນດາຕະຫຼາດອີຢູ ລ້ວນແຕ່ຈະຮຽກຮ້ອງໃຫ້ອັງກິດ ສືບຕໍ່ເຄົາລົບບັນດາມາດຕະຖານກ່ຽວກັບການຄຸ້ມຄອງ ແລະ ຕິດຕາມກວດກາຂອງອີຢູ.