ອີຢູເນັ້ນໜັກເຖິງຄວາມ ຈຳເປັນເພີ່ມທະວີຄວາມ ມານະພະຍາຍາມ ຕ້ານໂລກພະຍາດ Ebola
(ພາບປະກອບ: HX/TTXVN )
(vovworld)- ວັນທີ 20/10, ທ່ານລັດຖະມົນຕີການຕ່າງປະເທດບັນດາປະເທດສະມາຊິກສະຫະພາບເອີລົບ (ອີຢູ) ໄດ້ເຫັນດີຕ້ອງເພີ່ມທະວີທຸກຄວາມມານະພະຍາຍາມສະກັດກັ້ນໂລກພະຍາດ Ebola ບໍ່ປະໃຫ້ແຜ່ລະບາດອອກສູ່ທົ່ວກຸ່ມອີຢູ. ໃນຖະແຫຼງການຮ່ວມຂອງ 28 ປະເທດອີຢູ ຍົກອອກມາທີ່ການປະຊຸມຂັ້ນລັດຖະມົນຕີການຕ່າງປະເທດ ທີ່ Luxembourg, ອີຢູ ກໍ່ໄດ້ເນັ້ນໜັກວ່າ, ປະເທດຕ່າງໆເກີດໂລກພະຍາດ ແລະ ບັນດາປະເທດໃກ້ຄຽງຕ້ອງໄດ້ຮັບການໜູນຊ່ວຍຢ່າງເໝາະສົມ ແລະ ຄົບຖ້ວນ. ນະທີ່ນີ້, ບັນດາທ່ານລັດຖະມົນຕີການຕ່າງປະເທດກໍ່ຕົກລົງແຕ່ງຕັ້ງ ຜູ້ປະສານງານພິເສດໃຫ້ແກ່ວຽກງານຕ້ານໂລກພະຍາດທີ່ອັນຕະລາຍ ຊື່ງໄດ້ເຮັດໃຫ້ 4500 ຄົນເສຍຊີວິດ. ຄາດວ່າ, ການແຕ່ງຕັ້ງນີ້ຈະຖືກດຳເນີນໄປໃນອາທິດນີ້. ນອກຈາກນັ້ນແລ້ວ, ອີຢູ ຍັງຈະສ້າງຕັ້ງກອງທຶນໜູນຊ່ວຍດ້ວຍມູນຄ່າ 1 ຕື້ເອີໂຣ ແລະ ບັນດາກຸ່ມປະຕິກິລິຍາໄວ, ລວມມີບັນດາຜູ້ຊ່ຽວຊານການແພດສະໝັກໃຈ ເພື່ອປິດລ້ອມບັນດາສະຖານທີ່ເກີດໂລກພະຍາດ, ສະກັດກັ້ນການແຜ່ລະບາດ./.