ພາບປະກອບ
|
(vovworld) - ທີ່ການປະຊຸມຄັ້ງທີ 22 ຂອງຄະນະກຳມະການຮ່ວມມືອາຊຽນ - ອີຢູ (JCC) ດຳເນີນໃນວັນທີ 5/2, ຢູ່ນະຄອນຫຼວງຈາກາຕາ (ອິນໂດເນເຊຍ), ດ້ວຍການເຂົ້າຮ່ວມຂອງບັນດາສະມາຊິກ JCC, ບັນດາຜູ້ຕາງໜ້າປະຈຳອາຊຽນ, ບັນດາເຈົ້າໜ້າທີ່ຄະນະເລຂາອາຊຽນ ແລະ ອີຢູ, ກໍ່ຄືຜູ້ຕາງໜ້າບັນດາປະເທດສະມາຊິກອີຢູ. ເມື່ອແລກປ່ຽນກ່ຽວກັບການພົວພັນດ້ານການຄ້າ ແລະ ການລົງທຶນ, ສອງຝ່າຍໄດ້ເຫັນດີເປັນເອກະສັນນຳກັນຫຼາຍຢ່າງ; ອາຊຽນ ແລະ ອີຢູ ຊົມເຊີຍເລື່ອງສ້າງຕັ້ງຄະນະກຳມະການຊີ້ນຳລາຍການ (PSC) ເພື່ອແນໃສ່ກວດກາການປະຕິບັດ ແລະ ການຊີ້ນຳບັນດາລາຍການຮ່ວມມື ອາຊຽນ - ອີຢູ. ຄຽງຄູ່ກັນນັ້ນ, ອາຊຽນ - ອີຢູກໍ່ເຫັນດີເພີ່ມທະວີການຮ່ວມມືໃນຂົງເຂດປ້ອງກັນຄວາມສະຫງົບ, ສ້າງແຜນການຈັດຕັ້ງກອງປະຊຸມຂັ້ນສຸດຍອດຄັ້ງທີ 2, ເຈລະຈາກ່ຽວກັບການຮ່ວມມືປ້ອງກັນຄວາມສະຫງົບໃນການເດີນທະເລຢູ່ມາເລເຊຍໃນປີ 2015… ກອງປະຊຸມກໍ່ກວດຄືນຂໍ້ຕົກລົງຂອງກອງປະຊຸມຂັ້ນລັດຖະມົນຕີຄັ້ງທີ 20 ອາຊຽນ - ອີຢູ ກ່ຽວກັບເລື່ອງຍົກລະດັບການພົວພັນສອງຝ່າຍຂຶ້ນເປັນຄູ່ຮ່ວມມືຍຸດທະສາດ ແລະ ວາງຂັ້ນຕອນໃຫ້ແກ່ຄາດໝາຍນີ້. ສອງຝ່າຍຫວັງວ່າຈະສືບຕໍ່ມີການປຶກສາຫາລືກ່ຽວກັບບັນຫານີ້ຢູ່ກອງປະຊຸມເຈົ້ານໜ້າທີ່ຂັ້ນສູງ ອາຊຽນ - ອີຢູ ເຊິ່ງຈະຈັດຕັ້ງໃນທ້າຍປີນີ້ຢູ່ ບຣຸກແຊນ (ປະເທດແບນຊິກ).