ທ່ານ ເລຂາທິການໃຫຍ່ ອາຊຽນ ເລເລືອງມີງ
photo:thanhnien.com.vn
|
(vovworld)-ຈຸດເວລາສ້າງປະຊາຄົມອາຊຽນໃນວັນທີ 31/12/2015 ພວມໃກ້ຈະ ຮອດແລ້ວ. ບັນດາປະເທດສະມາຊິກ ພວມມານະພະຍາຍາມຫລາຍກວ່າ ເພື່ອມຸ້ງໄປເຖິງຈຸດເວລານັ້ນ ແນໃສ່ເປັນຂີດໝາຍບາດກ້າວຫັນປ່ຽນໃຫມ່ໃນວິວັດການພັດທະນາຂອງອາຊຽນ ພາຍຫລັງເກືອບ 48 ປີແຫ່ງການສ້າງຕັ້ງ ແລະ ພັດທະນາ. ນັ້ນແມ່ນເນື້ອໃນບົດຕອບສຳພາດຂອງທ່ານ ເລຂາທິການໃຫຍ່ ອາຊຽນ ເລເລືອງມີງ ຕໍ່ນັກຂ່າວຂ່າວສານຫວຽດນາມ ປະຈຳ ຢາກາກຕາ. ທ່ານ ເລເລືອງມີງ ໃຫ້ຮູ້ວ່າ: ປະຕິບັດໄດ້ເກືອບ 90% ບັນດາມາດຕະການທີ່ວາງອອກໃນວິວັດການ, ອາຊຽນ ພວມຍູ້ແຮງການຜັນຂະຫຍາຍບັນດາມາດຕະການທີ່ຍັງເຫລືອໃນ 3 ເສົາຄ້ຳ: ການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທຳສັງຄົມ.
ກ່ຽວກັບວິໄສທັດປະຊາຄົມ ອາຊຽນ ໃນປີ 2015, ທ່ານເລຂາທິການໃຫຍ່ ເລເລືອງມີງ ໃຫ້ຮູ້ວ່າ: ໃນໄລຍະ 2016-2025, ອາຊຽນ ຈະສືບຕໍ່ບັນດາຄວາມມານະພະຍາຍາມເພື່ອຮັບປະກັນເຮັດໃຫ້ ອາຊີຕາເວັນອອກສ່ຽງໃຕ້ ກາຍເປັນພາກພື້ນສັນຕິພາບ, ສະຖຽນລະພາບ ແລະ ວັດທະນາຖາວອນ. ປະຊາຄົມ ອາຊຽນ ຈະໄດ້ຮັບການປັບປຸງ ແລະ ເພີ່ມທະວີ ເພື່ອກາຍເປັນປະຊາຄົມ ອີງໃສ່ກົດໝາຍ, ສາມັກຄີບົນພື້ນຖານບັນດາຫລັກການ, ຄຸນຄ່າລວມ, ປະຊາຄົມມຸ່ງໄປເຖິງປະຊາຊົນ ແລະ ຖືປະຊາຊົນເປັນໃຈກາງ, ປະຊາຄົມມີຄວາມສາມາດຮັບມືກັບບັນດາທ່າອ່ຽງ ແລະ ສິ່ງທ້າທາຍພວມເກີດຂຶ້ນ. ແລະ ຫນຶ່ງໃນບັນດາຈຸດສຸມຂອງວິໄສທັດ ແມ່ນການປະສານສົມທົບຢ່າງກົມກຽວ, ດຸ່ນດ່ຽງລະຫວ່າງບັນດາປະເທດສະມາຊິກ.