(ພາບປະກອບ)
(vovworld) - ວັນທີ 18/01, ຢູ່ນະຄອນຫລວງ ວໍຊິງຕັນ ໄດ້ດຳເນີນ ພິທີເຊັນຂໍ້ຕົກລົງ 2 ຝ່າຍລະຫວ່າງ ອາເມລິກາ ແລະ ກູບາ ກ່ຽວກັບເລືອງຂີດເສັ້ນຊາຍແດນບົນທະເລຢູ່ທິດຕາເວັນອອກອ່າວ ເມກຊີໂກ. ສົນທິສັນຍານີ້ ໄດ້ຂີດເສັ້ນຊາຍແດນບົນທະເລລະຫວ່າງ ອາເມລິກາ ແລະ ກູບາ ເຊິ່ງກ່ອນນັ້ນ 2 ປະເທດຍັງບໍ່ທັນເຫັນດີເປັນເອກະພາບ, ລວມທັງເຂດໄຫຼ່ທະວີບທິດຕາເວັນອອກອ່າວ ເມກຊີໂກ ຫ່າງຈາກຝັ່ງທະເລແຕ່ລະປະເທດກ່ວາ 200 ໄມທະເລ. ຖະແຫຼງການຂອງກະຊວງການຕ່າງປະເທດ ອາເມລິກາ ຊີ້ແຈ້ງວ່າ ສົນທິສັນຍາດັ່ງກ່າວ ເໝາະສົມກັບຈຸດໝາຍຍາວນານຂອງ ອາເມລິກາ ແມ່ນຕັດສິນຂີດເສັ້ນຊາຍແດນບົນທະເລທີ່ຍັງຄົງຄ້າງ, ຊຸກຍູ້ຄວາມປອດໄພໃນການເດີນທະເລ ແລະ ປົກປັກຮັກສາສິ່ງແວດລ້ອມທະເລ. ສົນທິສັນຍາດັ່ງກ່າວ ຕ້ອງໄດ້ຮັບການຮັບຮອງເອົາຈາກສະພາສູງກ່ອນທີ່ມີຜົນສັກສິດ. ຄາດວ່າ ກູບາ ແລະ ອາເມລິກາ ຈະມີຂໍ້ຕົກລົງ 20 ສະບັບກ່ອນທີ່ທ່ານປະທານາທິບໍດີ Obama ສິ້ນສຸດອາຍຸການ.