ທ່ານ Chuck Hagel, ລັດຖະມົນຕີກະຊວງປ້ອງກັນປະເທດ
ອາເມລິກາ ແລະ ທ່ານ ຟຸ່ງກວາງແທງ, ລັດຖະມົນຕີ
ກະຊວງປ້ອງກັນປະເທດຫວຽດນາມ
ພາບ:khampha.vn
|
(vovworld)- ຕອນບ່າຍວັນທີ30/9, ທີ່ການປະຊຸມຂ່າວປະຈຳເດືອນ 9 ຂອງລັດຖະບານ, ເມື່ອຕອບຄຳຖາມຂອງນັກຂ່າວຕໍ່ຫນ້າບັນດາຂ່າວຄາວກ່ຽວກັບການກະທຳຂອງອາເມລິກາ ຍົກເລີກຄຳສັ່ງຫ້າມຂາຍອາວຸດເຂັ່ນຂ້າສຳລັບຫວຽດນາມ, ທ່ານ ຫງວຽນວັນເນັນ, ຫົວຫນ້າຫ້ອງວ່າການລັດຖະບານ ໃຫ້ຮູ້ວ່າ:ຖ້າ ອາເມລິກາ ຍົກເລີກຄຳສັ່ງຫ້າມຂາຍອາວຸດເຂັ່ນຂ້າໃຫ້ແກ່ ຫວຽດນາມ ນັ້ນແມ່ນການກະທຳຕັ້ງຫນ້າໃນການປະຕິບັດສາຍພົວພັນເປັນປົກກະຕິກັບຫວຽດນາມ. ຕາມທ່ານ ຫງວຽນວັນເນັນແລ້ວ, ຫວຽດນາມ ແລະ ອາເມລິກາ ໄດ້ສ້າງຕັ້ງສາຍພົວພັນຄູ່ຮ່ວມມືຮອບດ້ານ, ສະນັ້ນ ເລື່ອງຍົກເລີກຄຳສັ່ງຫ້າມຂາຍອາວຸດເຂັ່ນຂ້າ ຈະແມ່ນການກະທຳສະແດງໃຫ້ເຫັນຄວາມໄວ້ເນື້ອເຊື່ອໃຈເຊິ່ງກັນ ແລະກັນ ຕາມເນື້ອໃນຈິດໃຈມຸ່ງໄປເຖິງການພັດທະນາສາຍພົວພັນລະຫວ່າງສອງປະເທດຢ່າງຮອບດ້ານກວ່າ, ຈະປະກອບສ່ວນສ້າງເງື່ອນໄຂສະດວກໃຫ້ແກ່ຫວຽດນາມ ໃນການຮັບປະກັນການປ້ອງກັນຊາດ, ປ້ອງກັນຄວາມສະຫງົບແຫ່ງຊາດ.