ນີ້ແມ່ນການປະຊຸມຫລ້າສຸດໃນບັນດາການປຶກສາຫາລືລະຫວ່າງບັນດາເຈົ້າຫນ້າທີ່ຂັ້ນສູງ ອາເມລິກາ ກ່ຽວກັບສະພາບການ ອາບການິສະຖານ ແລະ ຍຸດທະສາດປ້ອງກັນຄວາມສະຫງົບ ກັບປະເທດອາບການິສະຖານ. ກ່າວຄຳເຫັນກັບວົງການນັກຂ່າວພາຍຫລັງການປະຊຸມ, ໂຄສົກທຳນຽບຂາວ ທ່ານ Sarah Sanders ໃຫ້ຮູ້ວ່າ ປະທານາທິບໍດີ ອາເມລິກາ ພວມຄົ້ນຄ້ວາ ແລະ ຊັ່ງຊາບັນດາວິທີການ ແລະ ຈະແຈ້ງໃຫ້ປະຊາຊົນ ອາເມລິກາ, ບັນດາປະເທດພັນທະມິດ ແລະ ຄູ່ຮ່ວມມື ກໍ່ຄືທົ່ວໂລກ ຮັບຊາບຢ່າງເປັນທາງການໃນເວລາເໝາະສົມ.