(vovworld) – ຕອນຄໍ່າວັນທີ 26/09, ຢູ່ຮ່າໂນ້ຍ, ທ່ານປະທານສະຫະພັນໃຫຍ່ແຮງງານຫວຽດນາມ ດັ້ງຫງອກຕຸ່ງ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງສະຫະພັນກຳມະບານໂລກ (WFTU) ໂດຍທ່ານເລຂາ WFTU George Mavinrakos ເປັນຫົວໜ້າຄະນະ, ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານ ດັ້ງຫງອກຕຸ່ງ ຕີລາຄາສູງຄວາມສາມັກຄີ ແລະ ການສະໜັບສະໜູນຢ່າງຕັ້ງໜ້າຂອງສະຫະພັນກຳມະບານໂລກ ທີ່ມີຕໍ່ອົງການຈັດຕັ້ງກຳມະບານຫວຽດນາມ. ທ່ານປະທານ ດັ້ງຫງອກຕຸ່ງ ເຊື່ອໝັ້ນວ່າ ການພົວພັນມິດຕະພາບ, ການຮ່ວມມືລະຫວ່າງສະຫະພັນກຳມະບານໂລກ ແລະ ສະຫະພັນໃຫຍ່ແຮງງານຫວຽດນາມ ຈະນັບມື້ນັບພັດທະນາ ແລະ ເຂົ້າສູ່ລວງເລິກ ຜ່ານການແບ່ງປັນຂໍ້ມູນຂ່າວ, ສະໜັບສະໜູນເຊິ່ງກັນ ແລະ ກັນບົນເວທີປາໄສສາກົນ.
ທ່ານເລຂາ WFTU George Mavinrakos ຢືນຢັນວ່າ, ພ້ອມແລ້ວທີ່ຈະເພີ່ມທະວີການໜູນຊ່ວຍອົງການຈັດຕັ້ງກຳມະບານຫວຽດນາມ ໃນທຸກດ້ານກວ່າອີກ ແລະ ກຳມະບານສະມາຊິກຂຶ້ນກັບ WFTU; ເຊື່ອໝັ້ນວ່າ 2 ຝ່າຍຈະສືບຕໍ່ເພີ່ມທະວີບັນດາການເຄື່ອນໄຫວແລກປ່ຽນຄະນະຜູ້ແທນ, ແບ່ງປັນບົດຮຽນໃນການສ້າງອົງການກຳມະບານ ໃຫ້ນັບມື້ນັບເຕີບໃຫຍ່.