ຮັບ“ໃບຢັ້ງຢືນມໍ ລະດົກເອກະສານ ເຈົາບານສະໄໝ ລາຊະວົງຫງວຽນ“
(ພາບ: Thanh Tùng-TTXVN)
(vovworld)- ພິທີຮັບ “ໃບຢັ້ງຢືນມໍລະດົກເອກະສານເຈົາບານສະໄໝລາຊະວົງຫງວຽນ“ ຖືກຈັດຂຶ້ນໃນຕອນເຊົ້າວັນທີ 30/7 ຢູ່ຮ່າໂນ້ຍ. ທ່ານນາງ Katherine Muller Marin ຫົວໜ້າຜູ້ຕາງໜ້າຫ້ອງການອູແນສໂກ ປະຈຳຮ່າໂນ້ຍ ໄດ້ມອບ “ໃບຢັ້ງຢືນມໍລະດົກເອກະສານເຈົາບານສະໄໝລາຊະວົງຫງວຽນ“ ໃຫ້ແກ່ທ່ານ ລັດຖະມົນຕີວ່າການກະຊວງພາຍໃນຫວຽດນາມ ຫງວຽນທາຍບິ່ງ.
ເຈົາບານສະໄໝລາຊະວົງຫງວຽນ (ໝາຍເຖິງສາງເອກະສານໃນສະໄໝລາດຊະວົງຫງວຽນຂອງຫວຽດນາມ) ໄດ້ຖືກນຳເຂົ້າບັນຊີລາຍຊື່ມໍລະດົກເອກະສານ ຂຶ້ນກັບໂຄງການຄວາມຊົງຈຳໂລກ ພາກພື້ນອາຊີ-ປາຊີຟິກ ຍ້ອນມີບັນດາຄຸນຄ່າພົ້ນເດັ່ນຄື: ເນື້ອໃນອຸດົມສົມບຸນ, ຮູບການເປັນເອກະລັກສະເພາະ. ມີລັກສະນະເປັນອັນດຽວ, ບໍ່ສາມາດແທນໄດ້ ແລະ ມີຜົນສະທ້ອນໃຫ່ຍຫຼວງໃນພາກພື້ນ ແລະ ໃນໂລກ…ພິເສດ ຫຼາຍເອກະສານຂອງ ເຈົາບານສະໄໝລາຊະວົງຫງວຽນ ໄດ້ຢັ້ງຢືນອະທິປະໄຕແຫ່ງຊາດໃນບັນດາເຂດທະເລ, ໝູ່ເກາະຂອງຫວຽດນາມຢ່າງແຮງ. ສາດສະດາຈານຟານຮຸຍເລ ປະທານສະມາຄົມວິທະຍາສາດປະຫວັດສາດຫວຽດນາມ ໃຫ້ຮູ້ວ່າ:
“ໃນເອກະສານເຈົາບານໄດ້ຢັ້ງຢືນຢ່າງຈະແຈ້ງວ່າ: ເຂດ ຮ່ວາງຊາລວມມີ 2 ໝູ່ເກາະຮ່ວາງຊາ ແລະ ເຈື່ອງຊາ ແມ່ນເຂດຊາຍແດນບົນທະເລຂອງຫວຽດນາມ, ມີທີ່ຕັ້ງສຳຄັນທີ່ສຸດ, ນີ້ແມ່ນເຂດໝູ່ເກາະທຸລະກັນດານທີ່ສຸດ. ທີ 2 ແມ່ນສະໄໝລາຊະວົງຫງວຽນໄດ້ຍົກສູງການຄວບຄຸມຮ່ວາງຊາ, ເຈື່ອງຊາ, ໝາຍຄວາມວ່າ, ບໍ່ແມ່ນມອບໃຫ້ທ້ອງຖິ່ນຄວບຄຸມ ຫາກແມ່ນພະລາຊະວັງຈັດຕັ້ງ, ຄວບຄຸມໂດຍກົງພາຍໃຕ້ການຊີ້ນຳ ແລະ ຮັບຮອງສຸດທ້າຍຂອງບັນດາອົງກະສັດສະໄໝລາຊະວົງຫງວຽນ“./.