ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ແລະ ທ່ານ Raul Castro Ruz, ເລຂາຜູ້ທີໜຶ່ງ ພັກກອມມູນິດ ກູບາ
|
(vovworld) - ວັນທີ 19/2, ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ໄດ້ເດີນທາງອອກຈາກນະຄອນຫຼວງ ລາຮາວານ ກັບເມືອປະເທດ, ສິ້ນສຸດການຢ້ຽມຢາມ ກູບາ ຢ່າງເປັນທາງການຢ່າງຈົບງາມ. ກ່ອນໜ້ານັ້ນ, ກໍ່ໃນວັນດຽວກັນ, ຢູ່ນະຄອນຫຼວງ ລາຮາວານ, ທ່ານ Raul Castro Ruz, ເລຂາຜູ້ທີໜຶ່ງ ພັກກອມມູນິດ ກູບາ, ປະທານສະພາແຫ່ງລັດ ແລະ ສະພາລັດຖະມົນຕີ ກູບາ ໄດ້ຕ້ອນຮັບທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ. ທ່ານປະທານ ກູບາ Raul Castro Ruz ໄດ້ສະແດງຄວາມປາດຖະໜາວ່າ: ສະພາແຫ່ງຊາດ 2 ປະເທດເພີ່ມທະວີການແລກປ່ຽນ, ນັບທັງບັນດາຄະນະຂັ້ນສູງ, ເພື່ອເພີ່ມທະວີປະສິດທິຜົນໃນການເຄື່ອນໄຫວຂອງແຕ່ລະຝ່າຍ, ພ້ອມທັງຢັ້ງຢືນວ່າບັນດາບົດຮຽນດ້ານການເມືອງ, ເສດຖະກິດ ແລະ ການກໍ່ສ້າງພັກຂອງ ຫວຽດນາມ ແມ່ນລຳ້ຄ່າສຳລັບ ກູບາ.
ສ່ວນ ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ໄດ້ແຈ້ງໝາກຜົນການເຮັດວຽກ ແລະ ພົບປະກັບທ່ານເລຂາຜູ້ທີສອງຂອງພັກກອມມູນິດ ກູບາ, ຮອງປະທານສະພາແຫ່ງຊາດ ແລະ ສະພາລັດຖະມົນຕີ Rose Ramon Machado Ventura, ປະທານ ສະພາແຫ່ງຊາດ Esteban Lazo ໃຫ້ທ່ານປະທານ Raul Castro Ruz ໄດ້ຮັບຊາບ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢືນຢັນຄືນໃໝ່ຄວາມຕັດສິນໃຈຊຸກຍູ້ການພົວພັນຮ່ວມມືລະຫວ່າງບັນດາອົງການນິຕິບັນຍັດຂອງ 2 ປະເທດ.