ທ່ານນາງ ຕ່ອງທິຟ໋ອງ ທີ່ພິທີມອບນາມມະຍົດແມ່ຫວຽດນາມວິລະຊົນ
(ພາບ:tuyengiaohungyen.vn)
(vovworld) - ວັນທີ 1/8, ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ໄດ້ລົງມອບນາມມະຍົດທີ່ສູງສົ່ງແມ່ ຫວຽດນາມ ວິລະຊົນ ໂດຍປະທານປະເທດ ຫວຽດນາມ ມອບໃຫ້ແມ່ ໂງທິລີ໋ ເຊິ່ງແມ່ນແມ່ຄີງຂອງ ນັກຮົບ 2 ຄົນທີ່ເສຍສະຫຼະຊີວິດເພື່ອຊາດ ໂຕຮ້ຽວ ແລະ ໂຕເຈິ໋ນ, ຢູ່ບ້ານ ຊວນເກົ່າ, ຕາແສງ ເຫງືຍຈຸ, ເມືອງ ວັນຢາງ, ແຂວງ ຮຶງອຽນ. ກ່າວຄຳເຫັນທີ່ພິທີ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ແມ່ ຫວຽດນາມ ວິລະຊົນ ໂງທິລີ໋ ແລະ ບ້ານເກີດເມືອງນອນ ເຫງືຍຈຸ, ວັນຢາງ, ຮຶງອຽນ ໄດ້ໄຫ້ກຳເນີດນັກຮົບປະຕິວັດຫລາຍຄົນທີ່ມີຄຸນງາມຄວາມດີຕໍ່ປະເທດຊາດ. ບັນດາເສັນຄົນລຸ່ນຫລັງນີ້ ຈະຈົດຈຳ ແລະ ສືບຖອດມູນເຊື້ອຂອງຄົນລຸ່ນກ່ອນປະໄວ້ໄຫ້, ແລະຈະສ້າງບ້ານເກີດເມືອງນອນ, ປະເທດຊາດໃຫ້ນັບມື້ນັບຮັ່ງມີ ແລະ ສວຍງາມ, ສົມກັບຄວາມເສຍສະຫຼະອັນໃຫຍາຫລວງຂອງບັນດາແມ່ ຫວຽດນາມ ວິລະຊົນ, ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ, ຜູ້ມີຄຸນງາມຄວາມດີຕໍ່ການປະຕິວັດ.