(vovworld) - ວັນທີ 4/5, ທ່ານນາງ ຕ່ອງທິຟ໋ອງ, ກຳມະການກົມການເມືອງ, ຮອງປະທານສະພາແຫ່ງຊາດພ້ອມກັບຄະນະປະຕິບັດງານຂອງຫ້ອງວ່າການສະພາແຫ່ງຊາດໄດ້ມາຖະຫວາຍທູບທຽມທີ່ອະນຸສາວະລີຊາວໜຸ່ມຕະລຸນບອນຜູ້ເສຍສະຫຼະຊີວິດເພື່ອຊາດຢູ່ທາງສາມແຍກ ກໍ່ນ່ອຍ, ເມືອງ ອຽນເຈົາ, ແຂວງ ເຊິນລາ. ໃນບັ້ນຮົບ ດ້ຽນບຽນຝູ, ນີ້ແມ່ນທາງຄົມມະນາຄົມຕອນສຳຄັນກວ່າໝູ່ເພື່ອໃຫ້ທະຫານ ແລະ ປະຊາຊົນບຸກໂຈມຕີເຂົ້າ ດ້ຽນບຽນຝູ. ສະຖານທີ່ນີ້ໄດ້ກາຍເປັນ “ສະຖານທີ່ແດງ” ເພື່ອໃຫ້ພວກລ່າເມືອງຂຶ້ນ ຝລັ່ງ ທຳລາຍຢ່າງດຸເດືອດ, ແນໃສ່ສະກັດກັ້ນ ແລະ ທຳລາຍທາງຄົມມະນາຄົມທີ່ສຳຄັນຂອງທະຫານ ແລະ ປະຊາຊົນ ຫວຽດນາມ. ໃນຂະບວນການຮັບໃຊ້ໃຫ້ແກ່ບັ້ນຮົບ ດ້ຽນບຽນຝູ, ໄດ້ມີນັກຮົບ ແລະ ຊາວໜຸ່ມຕະລຸນບອນເປັນຈຳນວນຫຼວງຫຼາຍເສຍສະຫຼະຊີວິດ. ດັ່ງນັ້ນ, ນີ້ບໍ່ພຽງແຕ່ແມ່ນສະຖານທີ່ທີ່ເປັນຂີດໝາຍບັນດາຮ່ອງຮອຍປະຫວັດສາດໃນຂະບວນການຕໍ່ສູ້ຕ້ານ ຝລັ່ງ ກູ້ຊາດຂອງກຳລັງຊາວໜຸ່ມຕະລຸນບອນເວົ້າສະເພາະ, ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດເວົ້າລວມເທົານັ້ນ, ຫາກຍັງແມ່ນສະຖານທີ່ເພື່ອສຶກສາມູນເຊື້ອຮັກຊາດໃຫ້ແກ່ຮຸ່ນໜຸ່ມໃນພາລະກິດປົກປັກຮັກສາປະເທດຊາດອີກດ້ວຍ.