(vovworld) – ຄະນະກຳມະການປະຊາຊົນນະຄອນຫຼວງ ຮ່າໂນ້ຍ ຫາກໍ່ປະກາດໃຊ້ໂຄງການສົ່ງເສີມການລົງທຶນ, ການຄ້າ, ການທ່ອງທ່ຽວປີ 2017. ຕາມນັ້ນແລ້ວ, ຮ່າໂນ້ຍ ໄດ້ຮຽກຮ້ອງການລົງທຶນໃຫ້ໂຄງການທີ່ມີຂອບຂະໜາດໃຫຍ່, ມີມູນຄ່າເພີ່ມສູງ, ນຳໃຊ້ເຕັກໂນໂລຢີທັນສະໄໝ, ບໍ່ກໍ່ມົນລະພິດເຖິງສິ່ງແວດລ້ອມ. ຈຸດສຸມຂອງການດຶງດູດການລົງທຶນລວມມີບັນດາຂົງເຂດຄື: ໂຄງລ່າງຕົວເມືອງ, ກະສິກຳປອດສານພິດ - ເຕັກໂນໂລຢີສູງ, ການຂາຍຍ່ອຍ, ສາທາລະນະສຸກ, ການສຶກສາວັດທະນະທຳ… ຮ່າໂນ້ຍ ກໍ່ຈະຍູ້ແຮງການດຶງດູດໂຄງການໃໝ່ຕາມຮູບແບບຫັນເປັນສັງຄົມ, ຄູ່ຮ່ວມມືລະຫວ່າງພາກລັດ - ເອກະຊົນ; ສູ້ຊົນດຶງດູດການລົງທຶນຈາກຕ່າງປະເທດໃນປີ 2017 ໃຫ້ບັນລຸ 3 ຕື້ USD.