ເປີດການພົບປະສາກົນບັນດາພັກກອມມູນິດແລະພັກແຮງງານຄັ້ງທີ18
(ພາບປະກອບ)
(vovworld)- ການພົບປະສາກົນບັນດາພັກກອມມູນິດ ແລະ ພັກແຮງງານ ຄັ້ງທີ 18 ດ້ວຍຫົວຂໍ້ “ວິກິດການຂອງລັດທິທຶນນິຍົມ ແລະ ການບຸກໂຈມຕີຂອງລັດທິຈັກກະພັດ-ຍຸດທະສາດ ແລະ ຍຸດໂທບາຍ ຂອງບັນດາພັກກອມມູນິດ ແລະ ພັກແຮງງານ, ໃນການຕໍ່ສູ້ ເພື່ອສັນຕິພາບ, ບັນດາສິດ ຂອງຊາວຜູ້ອອກແຮງງານ, ປະຊາຊົນ ແລະ ລັດທິສັງຄົມນິຍົມ”, ໄດ້ດຳເນີນ ໃນລະຫວ່າງ ວັນທີ 28/-30/10 ຢູ່ຮ່າໂນ້ຍ. ນີ້ແມ່ນຄັ້ງທຳອິດທີ່ຫວຽດນາມ ເປັນເຈົ້າພາບຈັດຕັ້ງເຫດການ ດ້ວຍຂອບຂະໜາດໃຫຍ່, ອັນດຶງດູດການເຂົ້າຮ່ວມ ຂອງຫຼາຍພັກກອມມູນິດ, ພັກແຮງງານ ຢູ່ຫຼາຍປະເທດໃນໂລກ. ນີ້ແມ່ນໂອກາດ ເພື່ອໃຫ້ພັກກອມມູນິດຫວຽດນາມ ປັບປຸງ ແລະ ເພີ່ມທະວີການພົວພັນ ກັບບັນດາພັກກອມມູນິດ, ພັກແຮງງານ ໃນໂລກ, ປະກອບສ່ວນຢ່າງມີຄວາມຮັບຜິດຊອບ ໃຫ້ແກ່ຂະບວນການກອມມູນິດ, ແຮງງານສາກກົນ, ໂຄສະນາເຜີຍແຜ່ ແລະ ຍາດແຍ່ງການເຫັນດີ, ການສະໜັບສະໜູນ ຂອງຂະບວນການກອມມູນິດ ແລະ ແຮງງານສາກົນ ສຳລັບພາລະກິດປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດ ແລະ ປະຊາຊົນຫວຽດນາມ. ການພົບປະສາກົນ ຂອງບັນດາພັກກອມມູນິດ ແລະ ພັກແຮງງານ ຄັ້ງທີ່ 18 ຈະມີ 5 ວາລະປະຊຸມຄົບຄະນະ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບບັນດາຫົວໜ້າຄະນະຜູ້ແທນສາກົນທີ່ມາເຂົ້າຮ່ວມການພົບປະ.