ເປີດເສັ້ນທາງທະເລຂົນສົ່ງໝາກໄມ້ລະຫວ່າງ ອາຊຽນ ແລະ ຈີນ ຢ່າງເປັນທາງການ
(ພາບປະກອບ / ອິນເຕີແນັດ)
(vovworld) - ກຳ່ປັ່ນຂົນສົ່ງໝາກໄມ້ຖ້ຽວທຳອິດຈາກບັນດາປະເທດ ອາຊຽນ ຫາກໍ່ເຂົ້າທຽບທ່າກ່ຳປັ່ນ ຟ໋າງເຈີ໋ງ ຂອງ ຈີນ ໃນວັນທີ 20/03, ເປັນຂີດໝາຍເປີດເສັ້ນທາງທະເລຂົນສົ່ງໝາກໄມ້ລະຫວ່າງ ຈີນ ແລະ ອາຊຽນ ຢ່າງເປັນທາງການ. ເສັ້ນທາງຂົນສົ່ງໃໝ່ນີ້ ດ້ວຍສະຖານທີ່ເລີ່ມຕົ້ນແມ່ນນະຄອນ ໂຮ່ຈີມິນ ຂອງ ຫວຽດນາມ ແລະ ຈຸດປາຍທາງແມ່ນທ່າກ່ຳປັ່ນ ຟ໋າງເຈີ໋ງ ຂຶ້ນກັບເຂດປົກຄອງຕົນເອງຊົນເຜົ່າ ຈວາງ ແຂວງ ກວາງສີ. ເສັ້ນທາງດັ່ງກ່າວ ໄດ້ເຊື່ອມຕໍ່ຜ່ານກ່ຳປັ່ນ 4 ລຳຂອງບໍລິສັດຂົນສົ່ງທາງທະເລ COSCO ຈີນ ແລະ ກຳ່ປັ່ນແຕ່ລະລຳຂອງບໍລິສັດ COSCO ສາມາດບັນທຸກ container ໄດ້ 1.100 ຕູ້ຕາມມາດຕະຖານ.
ເສັ້ນທາງຂົນສົ່ງໃໝ່ນີ້ ຈະຊ່ວຍ ເພີ່ມການສົ່ງອອກໝາກໄມ້ຈາກບັນດາປະເທດ ອາຊຽນ ໄປຍັງ ຈີນ, ພ້ອມທັງ ກໍ່ແມ່ນເສັ້ນທາງມີປະສິດທິຜົນ ເພື່ອນຳບັນດາຜະລິດຕະພັນກະເສດ ແລະ ໝາກໄມ້ຂອງ ຈີນ ສຳຜັດກັບຕະຫລາດ ອາຊຽນ.