(ພາບປະກອບ)
(vovworld) – ຕອນເຊົ້າວັນທີ 05/11 ຢູ່ນະຄອນຫລວງ ວຽງຈັນ, ໄດ້ຈັດຕັ້ງພິທີມອບເຄື່ອງໝາຍສະມາຊິກພັກ 65 ປີຢ່າງສົມກຽດໃຫ້ທ່ານ ເຈີ່ນວັນໝີ. ທ່ານ ເຈີ່ນວັນໝີ ແມ່ນຊາວ ຫວຽດນາມ ອາໄສຢູ່ ລາວ ເປັນຄົນທຳອິດມີຄວາມເປັນກຽດຮັບເຄື່ອງໝາຍສະມາຊິກພັກ 65 ປີ ທ່ານເຈີ່ນວັນໝີ ເກີດປີ 1929 ຢູ່ ນະຄອນຫລວງ ວຽງຈັນ. ປີ 1944 ທ່ານ ເຈີ່ນວັນໝີ ເຂົ້າຮ່ວມການເຄື່ອນໄຫວໃນສຳພັນທະມິດສູ້ຮົບ ຫວຽດນາມ - ລາວ. ມາຮອດປີ 1950 ທ່ານ ເຈີ່ນວັນໝີ ໄດ້ເຂົ້າເປັນສະມາຊິກພັກກອມມູນິດອິນໂດຈີນ ຊຶ່ງແມ່ນຕົ້ນກຳເນີດຂອງພັກກອມມູນິດ ຫວຽດນາມ ແລະ ພັກປະຊາຊົນປະຕິວັດ ລາວ. ທ່ານ ເຈີ່ນວັນໝີ ແມ່ນໜຶ່ງໃນບັນດານັກຊ່ຽວຊານ ຫວຽດນາມ ເຄີຍປະຕິບັດງານຢູ່ ລາວ; ມີການປະກອບສ່ວນຫລາຍຢ່າງເຂົ້າໃນການ ເພີ່ມພູນຄູນສ້າງສາຍພົວພັນລະຫວ່າງ 2 ປະເທດ ແລະ ໄດ້ຮັບຫຼຽນໄຊ, ຫຼຽນກາຫລາຍດວງຈາກ 2 ພັກ, 2 ລັດ ຫວຽດນາມ - ລາວ. ປີ 2000 ທ່ານ ເຈີ່ນວັນໝີ ໄດ້ຮັບເຄື່ອງໝາຍສະມາຊິກພັກ 50 ປີຈາກພັກປະຊາຊົນປະຕິວັດ ລາວ.