ພາບປະກອບ
(vovworld) – ຄະນະຜູ້ແທນຄະນະພັກນະຄອນ ຮ່າໂນ້ຍ ໂດຍທ່ານນາງຮອງເລຂາຄະນະພັກນະຄອນ ໂງທິແທງຮັ່ງ ນຳໜ້າມີການຢ້ຽມຢາມ ແລະ ເຮັດວຽກຢູ່ສະວິດແຕ່ວັນທີ 25 – 27/7. ວັນທີ 27/7, ຢູ່ ເຊີແນວ, ຄະນະມີການເຮັດວຽກກັບລັດຖະມົນຕີ ລັດ Geneva 2 ທ່ານ, ທ່ານ Luc Barthassat, ຮັບຜິດຊອບບັນດາບັນຫາສິ່ງແວດລ້ອມ, ຄົມມະນາຄົມ ແລະ ກະສິກຳ ແລະ ທ່ານ Mauro Poggia, ຮັບຜິດຊອບບັນດາບັນຫາຂອງສັງຄົມ, ວຽກເຮັດງານທຳ ແລະ ສາທາລະນະສຸກ. ທ່ານ Barthassat ໄດ້ແບ່ງປັນກັບຄະນະບັນດາໂຄງການຂອງລັດ Geneva ໃນຂົງເຂດກຳຈັດສິ່ງເສດເຫຼືອເຂດຕົວເມືອງ ແລະ ການຄົມມະນາຄົມສາທາລະນະ, ໃນນັ້ນມີໂຄງການລົດເມ TOSA ແລ່ນດ້ວຍໄຟຟ້າທີ່ໄດ້ນຳເອົາຈາກລະບົບສາກຖ່ານໄວ ເຊິ່ງແມ່ນໜຶ່ງໃນບັນດາໂຄງການທັນສະໄໝທີ່ສຸດຂອງລະບົບຂົນສົ່ງສາທາລະນະຢູ່ Geneva. ທ່ານ M.Poggia ໄດ້ແນະນຳບັນດາສິ່ງທ້າທາຍຂອງ Geneva ໃນຂົງເຂດແຮງງານ ວຽກເຮັດງານທຳ ຍ້ອນນີ້ແມ່ນໜຶ່ງໃນບັນດາລັດທີ່ມີອັດຕາຜູ້ວ່າງງານສູງທີ່ສຸດຢູ່ ສະວິດ (5,4% ໃນກາງປີ 2015) ແລະ ການເບິ່ງແຍງດູແລດ້ານສາທາລະນະສຸກສະຫງວນໃຫ້ແກ່ເປົ້າໝາຍໄດ້ຮັບການຊ່ວຍເຫຼືອ, ຜູ້ເຖົ້າຜູ້ແກ່, ກໍ່ຄືບັນດາມາດຕະການໄດ້ຮັບການນຳໃຊ້.
ກ່ອນໜ້ານັ້ນ, ວັນທີ 26/7, ຢູ່ນະຄອນຫຼວງ Bern, ຄະນະຜູ້ແທນຄະນະພັກນະຄອນ ຮ່າໂນ້ຍ ກໍ່ໄດ້ມີການເຮັດວຽກກັບທ່ານ Christosp Miesch, ເລຂາທິການໃຫຍ່ອົງການສະເພາະກິດບັນດາບັນຫາຍຸຕິທຳ, ທ້ອງຖິ່ນ ແລະ ສາສະໜາລັດ Bern.