(vovworld) - ເນື່ອງໃນໂອກາດຄະນະສະມາຊິກລັດຖະສະພາແຫ່ງຊາດເອີລົບ ຂອງອະນຸກຳມະການສິດທິມະນຸດລັດຖະສະພາເອີລົບ ໂດຍທ່ານ Pier Antonio Panzeri, ຫົວໜ້າອະນຸກຳມະການສິດທິມະນຸດຂອງລັດຖະສະພາເອີລົບ ນຳໜ້າ ໄດ້ປະຕິບັດງານຢູ່ຫວຽດນາມ, ວັນທີ 23/02, ຢູ່ຮ່າໂນ້ຍ. ກ່າວຄຳເຫັນທີ່ການພົບປະກັບສື່ມວນຊົນ, ທ່ານປະທານຄະນະສະມາຊິກລັດຖະສະພາ Pier Antonio Panzeri ໃຫ້ຮູ້ວ່າ, ຄະນະໄດ້ມີການເຮັດວຽກກັບບັນດາກຳມາທິການຂອງສະພາແຫ່ງຊາດ, ອົງການລັດຖະບານ, ອົງການຈັດຕັ້ງສາກົນ, ກຸ່ມເຊື່ອຖືສາສະໜາ, ອົງການບໍ່ຂຶ້ນກັບລັດຖະບານຢູ່ຫວຽດນາມ. ຄະນະໄດ້ມີບັນດາການເຈລະຈາທີ່ມີລັກສະນະສ້າງສັນ ເພື່ອຕີລາຄາກ່ຽວກັບສິດທິມະນຸດ ແລະ ບັນດາຜົນງານຂອງຫວຽດນາມ ໃນການພັດທະນາເສດຖະກິດ, ສັງຄົມ, ປຶກສາຫາລືຜົນກະທົບທີ່ຊ້ອນແຟງຂອງສັນຍາການຄ້າເສລີລະຫວ່າງສະຫະພາບເອີລົບ - ຫວຽດນາມ ໃນການປັບປຸງຊີວິດການເປັນຢູ່ຂອງປະຊາຊົນ, ພັດທະນາການເຈລະຈາລະຫວ່າງລັດຖະສະພາເອີລົບ ແລະ ສະພາແຫ່ງຊາດຫວຽດນາມ ບົນຈິດໃຈແລກປ່ຽນບົດຮຽນ. ທ່ານປະທານຄະນະສະມາຊິກລັດຖະສະພາ Pier Antonio Panzeri ໄດ້ຊົມເຊີຍບັນດາຄວາມມານະພະຍາຍາມຢ່າງບໍ່ຢຸດຢັ້ງຂອງລັດຖະບານຫວຽດນາມ ໃນການແກ້ໄຂບັນດາບັນຫາທົ່ວໂລກຄື ການປ້ອງກັນ, ຕ້ານການຄ້າມະນຸດ ແລະ ການໃຊ້ຄວາມຮຸນແຮງໃນຄອບຄົວ. ຄະນະໄດ້ມີການປຶກສາຫາລືຢ່າງມີປະສິດທິຜົນກ່ຽວຂ້ອງເຖິງບັນດາສິ່ງທ້າທາຍສຳລັບຄົນພິການ ແລະ ຄວາມຕ້ອງການຊຸກຍູ້ ສັງຄົມຢ່າງຮອບດ້ານກວ່າ…